काठमाडाैँ : निर्वाचन आयोगका सचवि कृष्णबहादुर राउतले देशभर शान्तिपूर्ण रूपमा प्रतिनिधि सभा सदस्य निर्वाचन सम्पन्न हुनेमा आयोग विश्वस्त रहेको बताएका छन्।बुधबार सचिव राउतले यस्तो बताएका हुन् । उनले मतदान प्रक्रिया सम्पन्न जनशक्ति परिचालन, सुरक्षा व्यवस्था र अन्तरनिकाय समन्वय लगायतका सबै तयारी पूरा भएको समेत बताए । सचिव राउतका अनुसार निर्वाचन सम्पन्न गर्न करिव दुई लाख १५ हजार कर्मचारी तथा झन्डै साढे तीन लाख सुरक्षाकर्मी देशभर परिचालित छन् ।
उनले हालसम्मको सुरक्षा विश्लेषणअनुसार कुनैपनि मतदान केन्द्रमा असहज अवस्था सिर्जना हुने संकेत नदेखिएको समेत बताए । आयोगमा रहेको संयुक्त निर्वाचन सञ्चालन केन्द्रमार्फत सबै सुरक्षा निकाय र स्थानीय प्रशासनसँग निरन्तर समन्वय भइरहेको भन्दै उनले केन्द्रले देशभरको सुरक्षा अवस्थाको निगरानी गर्दै आवश्यक निर्देशन तथा सहकार्य गर्ने बताए ।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
