काठमाडौं : नेपाली कांग्रेसका नेता तथा समानुपातिक सांसद अर्जुननरसिंह केसीले पार्टी सभापति गगनकुमार थापा सँगको पारिवारिक सम्बन्धका आधारमा आफूलाई अवसरवादी देखाउने प्रयास भइरहेको बताएका छन् ।
उनले आफूलाई ‘ससुरा–ज्वाइँ’को ट्यागमा सीमित गरेर आलोचना गरिएकोप्रति आपत्ति जनाएका हुन् । उनले आफूलाई केवल गगन थापाको ‘ससुरा’का रूपमा चिनाउने प्रयास योजनाबद्ध षड्यन्त्र भएको स्पष्ट पार्दै यस्ता टिप्पणीले आफूलाई कुनै असर नपर्ने र आफ्नो राजनीतिक जीवन र योगदान छुट्टै पहिचान भएको दाबी गरेका छन् ।
‘मेरो पहिचानलाई सीमित गर्न खोजिएको छ, तर समाजले मलाई मेरो कामका आधारमा चिन्छ,' उनले भने। कांग्रेसलाई रूपान्तरण हुन नचाहनेहरूले आफूलाई माध्यम बनाएर सभापति थापामाथि प्रहार गर्न खोजेको उनको आरोप छ ।पार्टीभित्रैबाट समेत यस्तो प्रवृत्ति देखिएको भन्दै उनले असन्तुष्टि जनाए । साथै केसीले आफू रुपान्तरण र पुस्तान्तरणको पक्षमा रहेको र विशेष महाधिवेशनको आवश्यकता औंल्याउँदै आएको बताए ।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
