चितवन : कामना सेवा विकास बैंकले चितवनको भरतपुरस्थित अशोका रिसोर्ट प्रा. लि. तथा होटल अशोकासँग सेवा शुल्कमा छुट दिने सम्झौता गरेको छ।
यस सम्झौता अनुसार बैंकका कर्मचारी तथा ग्राहकहरूले उक्त रिसोर्ट र होटलको आवास, खाना र पेय पदार्थमा १० प्रतिशत छुट प्राप्त गर्नेछन्। बैंकका ग्राहकहरूले आफू बैंकसँग आबद्ध रहेको प्रमाण देखाई यो सुविधा सहजै लिन सक्नेछन्।
सम्झौता पत्रमा बैंकका तर्फबाट नारायणगढ क्षेत्रका प्रमुख सुरेन्द्र भण्डारी र होटलका प्रबन्ध निर्देशक अशोक अधिकारीले हस्ताक्षर गरेका छन्। यस सम्झौताबाट बैंकका ग्राहक तथा कर्मचारीहरू विशेष रूपमा लाभान्वित हुने विश्वास बैंकले लिएको छ।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
