Logo

Nov 19 2026 | २०८३, मंसिर ४गते

फ्रान्स र स्पेनमा आँधी र वर्षाका कारण जनजीवन प्रभावित

फ्रान्स र स्पेनमा आँधी र वर्षाका कारण जनजीवन प्रभावित

पेरिस : फ्रान्स र स्पेनमा आएको शक्तिशाली आँधीबाढीमा तीन जनाको मृत्यु भएको अधिकारीहरूले शुक्रबार पुष्टि गरेका छन्।

भारी वर्षा र तेज हावाका कारण बिहीबार हवाई जहाज, रेल र डुङ्गा सेवा रद्द हुनुपरेको थियो। फ्रान्सको दक्षिणी भाग, स्पेनको उत्तर र पोर्चुगलका केही क्षेत्रमा यातायातमा अवरोध आएको थियो। स्पेनमा एक महिला उद्योगिक गोदामको छाना ढलेर मृत्यु भएकी छन् भने फ्रान्समा एक व्यक्ति आफ्नो बगैंचामा भर्याङबाट खसेर मारिएका छन्। यसअघि फ्रान्समा एक ट्रक चालकको मृत्यु पनि भएको थियो। स्पेनमा दर्जनौं मानिस घाइते भएका छन् भने पोर्चुगलमा बाढीले एक पुलको भाग आंशिक रूपमा ढलेको छ। फ्रान्सका मौसम पूर्वानुमानकर्ताहरूले आँधी ‘असामान्य रूपमा शक्तिशाली’ भएको बताएका छन्।

फ्रान्सको विद्युत वितरण कम्पनीले करिब तीन हजार कर्मचारी खटाएर घरघरमा बिजुली पुनः जडान गर्ने काम गरिरहेको छ। कम्पनीका अनुसार, ९ लाख ग्राहकमध्ये करिब ५० प्रतिशतलाई सेवा पुनःस्थापित गरिएको छ। कम्पनीका संकट निर्देशक एर्वे च्याम्पेनोइसले भने, “बाढीले मरम्मत कार्य जटिल बनाएको छ। खेतहरू पानीले भरिएका छन् र केही सडकहरू अवरुद्ध छन्।”फ्रान्सको दक्षिणी क्षेत्रमा बासिन्दाहरू आँधीको तीव्रताबाट स्तब्ध छन्। पेरपिन्यानकी फूल व्यवसायी इङ्ग्रिडले भने,“मैले यस्ता आँधी पहिले कहिल्यै देखिनँ। मेरो कारमाथि रुख झर्ने थियो, दुई सेकेन्ड बढी भए हुन्थ्यो।” 

प्रतिक्रिया दिनुहोस
सम्बन्धित समाचार

© 2026 All right reserved to saurahaonline.com | Site By : Sobij

© 2026 All right reserved to saurahaonline.com | Site By : Sobij

नयाँ अपडेट