Logo

Nov 16 2026 | २०८३, मंसिर १गते

विरालोको खानाको प्याकेटमा लुकाएर ल्याइएको करिब २२ करोडको सेतो हेरोइनसहित भारतीय नागरिक पक्राउ

विरालोको खानाको प्याकेटमा लुकाएर ल्याइएको करिब २२ करोडको सेतो हेरोइनसहित भारतीय नागरिक पक्राउ

काठमाडौं : त्रिभुवन अन्तर्राष्ट्रिय विमानस्थलबाट प्रहरीले करिब २२ करोड मूल्य बराबरको साढे ५ केजी अवैध लागूऔषध सेतो हेरोइन बरामद गरेको छ । लागूऔषध नियन्त्रण ब्युरोका अनुसार थाइल्यान्डबाट काठमाडौं ल्याएको सेतो हेरोइन बरामद गरिएको हो । बरामद सेतो हेरोइनको अवैध बजार मूल्य करिब २२ करोड पर्ने आँकलन गरिएको छ । 

सेतो हेरोइन बोकेर विमानस्थलमा ओर्लिएका भारतीय नागरिकलाई प्रहरीले पक्राउ गरेको छ । पक्राउ पर्नेमा महाराष्ट्र घर भएका ५२ वर्षीय रेवराज टिघारे छन् । शनिबार बिहान प्रहरीले शङ्का लागेर चेकजाँच गर्दा उनले ल्याएको लगेजमा खरायो र बिरालोको खानाको प्याकेटमा लुकाएको अवस्थामा सेतो हेरोइन फेला परेको थियो ।पक्राउ परेका भारतीय यसअघि पनि दुई पटक लाओसबाट काठमाडौं आएर भारत गएको ट्राभल हिस्ट्री भेटिएको छ । उनले जिम्बाम्बे, सुडान, बङ्गलादेश र कम्बोडियाको भ्रमण गरेको यात्रा विवरण देखिएको छ ।

उनको साथबाट मेकानिकल इन्जिनियरको प्रमाणपत्र समेत बरामद गरिएको छ ।सेतो हेरोइन कारोबार गर्नेलाई १५ वर्षदेखि जन्मकैद र ५ लाखदेखि २५ लाखसम्म जरिवाना हुने कानूनी व्यवस्था छ । पक्राउ परेका भारतीय नागरिकमाथि लागूऔषध नियन्त्रण ऐन २०३३ अनुसार अनुसन्धान भइरहेको ब्यूरोले जनाएको छ । 

प्रतिक्रिया दिनुहोस
सम्बन्धित समाचार

© 2026 All right reserved to saurahaonline.com | Site By : Sobij

© 2026 All right reserved to saurahaonline.com | Site By : Sobij

नयाँ अपडेट