काठमाडाैँ  : अर्जेन्टिनी फुटबल स्टार लियोनेल मेस्सीले अन्तर्राष्ट्रिय फुटबलबाट सन्यास लिने निर्णय गरेका छन्। सामाजिक सञ्जालमा एक भावुक सन्देश जारी गर्दै उनले राष्ट्रिय टोलीबाट आफ्नो यात्रा टुङ्गिएको जानकारी दिएका हुन् ।

सोमबार राति सामाजिक सञ्जालमा उनले लेखेका छन् – 

फाइनलपछि यति समय बितिसकेपछि, यसबारे धेरै सोचिसकेँ। अब म सबैलाई जानकारी गराउन चाहन्छु—मैले राष्ट्रिय टोलीबाट सन्न्यास लिने निर्णय गरेको छु।।।

यो निर्णयले मेरो आत्मालाई त्यतिबेला पनि चोट पुर्‍याएको थियो र अहिले पनि दुखिरहेको छ। तर म बुझ्छु, अब यही सही समय हो। म कसम खाएर भन्न सक्छु—मैले सधैं आफ्नो सबैथोक दिएको छु। पछिल्ला केही वर्षमा सबै उपाधि जितेका बेला मात्र होइन, सुरुदेखि नै मैले यो जर्सीका लागि लडेको छु र आफ्नो सबैथोक दिएको छु। फुटबलमार्फत तपाईंहरूलाई खुसी बनाउन र अर्जेन्टिनी भएकोमा गर्व गर्ने अवसर दिलाउन मैले सधैं प्रयास गरेको छु।

अब धेरै समय बाँकी छैन र केही अध्यायहरू बन्द हुँदैछन्। यो अध्याय भने मलाई निकै पीडादायी लागिरहेको छ। राष्ट्रिय टोलीमा रहन मलाई सधैं मन पर्थ्यो, मैले यसलाई धेरै माया गरेँ र सधैं माया गरिरहनेछु। मैले आफूभित्र भएको सबैथोक दिएँ। अब मसँग दिनका लागि थप केही बाँकी छैन। त्यसमाथि, निकै प्रतिभाशाली युवा खेलाडीहरू पनि आइरहेका छन्, जो राष्ट्रिय टोलीमा स्थान पाउन योग्य छन्।

यी २० वर्षमा तपाईंहरूले दिनुभएको सम्पूर्ण मायाका लागि धन्यवाद। टोलीभित्रबाट तपाईंहरूको समर्थन र आवाज सुन्ने कुरा म धेरै सम्झनेछु। अब म तपाईंहरूमध्ये एक हुनेछु—बाहिरबाट सधैं अर्जेन्टिनाको समर्थन र हौसला बढाइरहनेछु, राम्रो समयमा पनि र खराब समयमा झन् बढी।

सधैं मेरो साथमा रहनुभएको र यो सुन्दर तर कठिन यात्रामा मलाई साथ दिनुभएको मेरो परिवारलाई धन्यवाद। मैले सँगै काम गर्ने अवसर पाएका प्रत्येक प्रशिक्षक, सहकर्मी खेलाडी र पदाधिकारीहरूलाई पनि धन्यवाद। म आफूसँग अविस्मरणीय सम्झना र जीवनभर नबिर्सने क्षणहरू लिएर जाँदैछु।

म शान्ति र गर्वका साथ बिदा हुँदैछु—आफ्ना सहकर्मीहरूसँग मिलेर तपाईंहरूलाई सपनाजस्ता क्षणहरू दिन सकेँ। तपाईंहरूसँग यो सबै अनुभव गर्न पाउनु साँच्चिकै अविश्वसनीय थियो। म तपाईंहरूलाई माया गर्छु१

मलाई अर्जेन्टिनी बनाइदिनुभएकोमा भगवानलाई धन्यवाद।

गो अर्जेन्टिना ! 

साथै मेस्सीले यो विश्वकप फाइनल भएको दुई दिनपछि जुलाई २१ मा लेखेको जानकारी दिएका छन् । र निर्णयमा पहिलेभन्दा पनि बढी विश्वस्त भएको पनि जनाएका छन् ।