काठमाडौँ : रणवीर कपुर र यश स्टारर बहुप्रतिक्षित पौराणिक चलचित्र ‘रामायण’ले प्रदर्शनको तेस्रो दिनका लागि अग्रिम टिकट बिक्री (एडभान्स बुकिङ) मा आक्रामक व्यापार गरेको छ। बक्स अफिसमा बलियो उपस्थिति जनाउँदै फिल्मले तेस्रो दिनका लागि मात्रै ४७ करोड ५ लाख भारतीय रुपैयाँ (ग्रस) को अग्रिम व्यापार गरेको हो।
तथ्यांक अनुसार फिल्मले २२ हजार ५ सय ७२ शोका लागि हालसम्म १२ लाख १९ हजार ९ सय २४ थान टिकट बिक्री गरिसकेको छ। राज्यस्तरीय तथ्याङ्क अनुसार महाराष्ट्रमा सबैभन्दा बढी ९ करोड ८१ लाख रुपैयाँ (१ लाख ७९ हजार ७ सय टिकट) को अग्रिम बिक्री भएको छ।
अभिनेता यशको बलियो प्रभाव रहेको कर्नाटक राज्यमा फिल्मले ८ करोड ५९ लाख रुपैयाँ (१ लाख ६८ हजार ३ सय ९ टिकट) संकलन गरेको छ। त्यस्तै, राष्ट्रिय राजधानी क्षेत्र (एनसीआर) मा ५ करोड १२ लाख रुपैयाँ बराबरको अग्रिम टिकट बिक्री भएको छ।
शहरगत रूपमा मुम्बईमा २ करोड ३५ लाख र बेङ्गलोरमा दुईवटा प्रतिवेदन अनुसार २ करोड ६ लाख र १ करोड ९२ लाख रुपैयाँ बराबरको अग्रिम व्यापार भएको छ। तेस्रो दिनमै १२ लाखभन्दा बढी टिकट बिक्री भइसकेकाले साताको अन्तिम दिन (आइतबार) स्पट बुकिङमार्फत फिल्मले बक्स अफिसमा ठूलो संकलन गर्ने अपेक्षा गरिएको छ।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
