सुर्खेत : कर्णाली प्रदेश सरकारमा नेकपा एमालेको तर्फबाट सहमागी हुने ३ जना मन्त्रीले पद तथा गोपनीयताको शपथ लिएका छन् ।सत्तारुढ दल एमाले र नेपाली कम्युनिस्ट पार्टी(नेकपा)बीच मन्त्रालय भागबन्डामा कुरा मिलेसँगै तीन सातापछि कर्णालीको मन्त्रिपरिषद् बिस्तार भएको हो ।
एमालेको तर्फबाट सरकारमा नेतृत्व गर्दै टेकराज पछाईले आर्थिक मामिला तथा योजना मन्त्रालयको जिम्मेवारी सम्हालेका छन् । यस्तै, जितबहादुर मल्लले सामाजिक विकास मन्त्रालय र कलबहादुर हमालले जलस्रोत तथा ऊर्जा विकास मन्त्रालयको जिम्मेवारी पाएका छन् ।
उनीहरुलाई बुधबार साँझ एक समारोहकाबीच प्रदेश प्रमुख यज्ञराज जोशीले पद तथा गोपनीयताको शपथ खुवाएका हुन् । नेकपासँग भएको भागबन्डा अनुसार एमालेले तीन मन्त्रालय पाएको थियो । एमालेले मन्त्रीको टुंगो लगाए पनि नेकपाले भने मन्त्री छानिसकेको छैन ।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
