काठमाडौं : खाना पकाउने ग्यासको अभाव झेलिरहेका उपभोक्ताहरूलाई राहत दिन नेपाल आयल निगमले भोलि आइतबार काठमाडौंका विभिन्न सात स्थानबाट ग्यास सिलिण्डर बिक्री वितरण गर्ने भएको छ ।
जिल्ला प्रशासन कार्यालय काठमाडौँ र ग्यास उद्योगीहरूसँगको समन्वयमा साउन ३१ गते आइतबार बिहान ११ बजेदेखि साँझ ५ बजेसम्म विभिन्न ब्रान्डका ग्यास उपलब्ध गराइने निगमले जनाएको छ ।
निगमका अनुसार नियमित बिक्रेताबाट ग्यास प्राप्त गर्न नसकी अति आवश्यक भएका व्यक्तिहरूले आफ्नो नागरिकता वा राष्ट्रिय परिचय पत्र सहित तोकिएको स्थानमा उपस्थित भई ग्यास खरिद गर्न सक्नेछन् ।
ग्यास वितरण हुने स्थान र उपलब्ध ब्रान्डहरू :
१. निगमको टेकु परिसर : नेपाल, एचपि, एभरेष्टरसुगम, श्रीराम र सगर
२. पशु सेवा शाखा, चपली, बुढानीलकण्ठ : नेपाल, एचपि र भानु
३. राधास्वामी, कीर्तिपुर परिसर : नेपाल, एचपी, एभरेष्टरसुगम, श्रीकृष्ण, साइबाबा र श्रीमाया
४. नयाँ बजार जुडो हल परिसर : नेपाल, एचपि र ओम
५. तारकेश्वर नगरपालिकाको परिसर : नेपाल र एचपी
६. चन्द्रागिरी नगरपालिका कार्यालय : लोकप्रिय, नेपाल, एचपि र श्रीमाया
७. राष्ट्रिय क्षयरोग केन्द्र, ठिमी : नेपाल, एचपि, सूर्य, सगर, एभरेष्टरसुगम र एसटीसी
निगमले एलपी ग्यासको आयात नियमित भइरहेको र बिक्रेताहरू मार्फत पनि वितरण जारी रहेको जानकारी दिँदै समस्यामा परेकाहरूलाई मात्र यी केन्द्रहरूमा आउन अनुरोध गरेको छ ।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
