Logo

Nov 17 2026 | २०८३, मंसिर २गते

विश्व रेकर्डधारी परेवा ‘सुगर’को इस्टरमै निधन

विश्व रेकर्डधारी परेवा ‘सुगर’को इस्टरमै निधन

काठमाडाैं : सामान्यतया परेवा र ढुकुरको औसत आयु करिब २० वर्ष हुने भए पनि ‘सुगर’ नामक सेतो परेवा भने त्योभन्दा दोब्बरभन्दा बढी बाँच्न सफल भएको थियो। सन् १९८१ जुन २३ मा जन्मिएको सुगरले आफ्नो जीवनको अधिकांश समय आफ्नो मालिक ७७ वर्षीय डेवेयन ओरेन्डरसँग बिताएको थियो।

डेवेयनका अनुसार सुगर अत्यन्तै मायालु र शान्त स्वभावको थियो। उनीहरू सँगै टेलिभिजन हेर्ने, संगीत सुन्ने जस्ता गतिविधि गर्थे र एकअर्कासँग गहिरो सम्बन्धमा थिए।

डेवेयन अस्पतालमा हुँदा सुगर निकै दुःखी हुने, खाना समेत नखाने र पिँजडाभित्रै चुपचाप बस्ने गर्थ्यो। तर उनी फर्किएपछि भने सुगर फेरि सामान्य अवस्थामा फर्किने गरेको थियो।

यसले कैदमा पालिएको विश्वकै सबैभन्दा वृद्ध परेवाको अघिल्लो रेकर्डलाई १५ वर्षभन्दा बढीले उछिनेको थियो। मालिकले सुगर ५० वर्षसम्म बाँच्छ भन्ने आशा गर्दै विशेष जन्मदिन मनाउने योजना समेत बनाएका थिए।

तर, इस्टर सन्डेको दिन सुगरको निधन भयो। यद्यपि, विश्वकै सबैभन्दा वृद्ध परेवाको रूपमा सुगर सधैं स्मरणीय रहनेछ।

प्रतिक्रिया दिनुहोस
सम्बन्धित समाचार

© 2026 All right reserved to saurahaonline.com | Site By : Sobij

© 2026 All right reserved to saurahaonline.com | Site By : Sobij