काठमाडौं : नेपाली कम्युनिष्ट पार्टी (नेकपा) ले पार्टीका आधिकारिक उम्मेदवारविरुद्ध मनोनयन दर्ता गराएका तथा त्यस्ता उम्मेदवारलाई समर्थन गर्ने सात जना नेता तथा कार्यकर्तालाई पार्टीबाट निष्काशन गरेको छ।
पार्टीका संयोजक पुष्पकमल दाहाल ‘प्रचण्ड’ र सहसंयोजक माधवकुमार नेपालले आज जारी गरेको संयुक्त विज्ञप्तिमा पार्टीको निर्णय र निर्देशनविपरीत उम्मेदवार बनेका, साथै उनीहरूका प्रस्तावक, समर्थक र प्रचारक बनेकाहरूलाई कारबाही गरिएको जनाइएको छ।
विज्ञप्तिअनुसार सिन्धुलीका नेता हरिबोल गजुरेल र महेश्वर दाहाल, दाङका कुलप्रसाद केसी, उदयपुरका मेजर राई तथा सिरहाका धर्मनाथ साह, राजकुमारी साह र जिवछ साहलाई पार्टीबाट निष्काशन गरिएको हो।
पार्टीले आगामी दिनमा पनि संगठनात्मक अनुशासन उल्लंघन गर्ने जो–कोहीमाथि कडा कारबाही गरिने स्पष्ट पारेको छ।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
