काठमाडौँ : करिब १२ वर्ष लामो सैन्य उपस्थितिपछि अमेरिकी सेना सिरियाबाट पूर्ण रूपमा फिर्ता भएको छ। अप्रिल २०२६ मा हसाकास्थित कसराक एयरबेसबाट अन्तिम टोली बाहिरिएसँगै अमेरिकाले आफ्ना सबै सैन्य अड्डा खाली गरेको हो।
अमेरिकाले हसाका, रुमैलान र देइर एज–जोर क्षेत्रमा रहेका कम्तीमा सातवटा ठूला सैन्य क्याम्प बन्द गरेको जनाएको छ। कसराक एयरबेस अन्तिम बेसका रूपमा रहेको थियो, जुन अहिले सिरियाली सेनाको नियन्त्रणमा आएको छ।
सिरियाको विदेश मन्त्रालयले यस कदमलाई देशको एकता र सम्पूर्ण भूभागमा सरकारको नियन्त्रण कायम गर्ने दिशामा महत्वपूर्ण मोडको रूपमा व्याख्या गरेको छ। यता अमेरिकी सेन्ट्रल कमान्डका अनुसार करिब २ हजार अमेरिकी सैनिक जोर्डनतर्फ स्थानान्तरण भएका छन्।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
