काठमाडौंः प्यालेस्टिनी स्रोत र प्रत्यक्षदर्शीहरूकाअनुसार शनिवार मध्य गाजाको बुरीज शरणार्थी शिविरमा रहेको प्यालेस्टिनी प्रहरी चेकपोस्टलाई निशाना बनाएर गरिएको इजरायली हवाई आक्रमणमा ६ जनाको मृत्यु भएको छ।
दिर अल–बलाहस्थित अल–अक्सा अस्पतालका प्यालेस्टिनी चिकित्सा स्रोतहरूले जानकारी दिएअनुसार एम्बुलेन्सहरूले आक्रमणमा मारिएका कम्तीमा ६ जनाको शव र केही घाइतेहरूलाई अस्पताल पु¥याएका छन्। यस घटनाबारे इजरायली सेना वा हमासबाट हालसम्म कुनै आधिकारिक प्रतिक्रिया आएको छैन।
गाजामा हमासद्वारा सञ्चालित गृह प्रशासनले पछिल्ला महिनाहरूमा चेकपोस्टहरू स्थापना गरेर र आफ्ना केही सुरक्षा मुख्यालयहरूको मर्मत गरी यस क्षेत्रमा आफ्ना गतिविधिहरू बिस्तारै पुनः सुरु गरिरहेको छ। यसको प्रतिक्रियास्वरूप इजरायली सेनाले गाजाका विभिन्न भागहरूमा रहेका चेकपोस्ट र प्रहरी सवारी साधनहरूलाई निशाना बनाउँदै आएको छ।
जसकाकारण कैयौँको मृत्यु र धेरै व्यक्तिहरू घाइते भएका छन्। अक्टोबर २०२५ देखि लागू भएको हमास र इजरायलबीचको युद्धविराम सम्झौताका बाबजुद इजरायलले भने कारबाहीहरूले सशस्त्र तत्वहरू वा सम्भावित खतराहरूलाई निशाना बनाएको दाबी गर्दै आएको छ।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
