काठमाडौँ: प्रधानमन्त्री सुशीला कार्की र नेपाल उद्योग वाणिज्य महासंघका अध्यक्ष चन्द्रप्रसाद ढकालबीच शिष्टाचार भेटवार्ता भएको छ।
सोमबार प्रधानमन्त्री निवास बालुवाटारमा दुईबीच भेट भएको हो। अध्यक्ष ढकालले भेटमा आफूले स्वतन्त्र, निष्पक्ष र विश्वसनीय ढङ्गले निर्वाचन सम्पन्न गराएको तथा चुनावी सरकारलाई सुम्पिएको महत्वपूर्ण राष्ट्रिय जिम्मेवारी सफलतापूर्वक पूरा गरेकोमा निजी क्षेत्रको तर्फबाट प्रधानमन्त्रीलाई धन्यवाद एवं बधाई दिएको बताए।
यस्तै निर्वाचन सम्पन्न गर्ने क्रममा नेपाल उद्योग वाणिज्य महासंघले पुर्याएको रचनात्मक सहयोगको प्रशंसा गरेको जानकारी ढकालले दिएका छन्। भेटका क्रममा सरकार र निजी क्षेत्रबीचको सहकार्यलाई अझ प्रभावकारी बनाउँदै अर्थतन्त्रलाई गतिशील बनाउने, लगानीमैत्री वातावरण निर्माण गर्ने तथा समृद्ध नेपालको यात्रालाई तीव्र बनाउने विषयमा साझा प्रतिबद्धता जाहेर भएको छ।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
