काठमाडौँ : मध्यपूर्वमा बढ्दो भू-राजनीतिक तनाव र अमेरिकी डलरको मूल्यमा आएको गिरावटसँगै विश्व बजारमा सुनको मूल्यले पुनः नयाँ उचाइ चुमेको छ। सुरक्षित लगानीको खोजीमा लगानीकर्ताहरू सुनतर्फ आकर्षित भएपछि बिहीबार स्पट गोल्डको मूल्य ०.८ प्रतिशतले बढेर प्रतिऔंस ५,१७७.२६ डलर कायम भएको छ। यस्तै, अप्रिलमा डेलिभरी हुने अमेरिकी सुनको मूल्य पनि १ प्रतिशतले बढेर प्रतिऔंस ५,१८६.४० डलर पुगेको छ।
ब्याजदर कटौतीको पक्षमा रहेका वार्सको आगमनले पनि बजारमा नयाँ तरंग ल्याएको छ। लगानीकर्ताहरू अब अमेरिकाको बेरोजगारी तथ्याङ्क र रोजगारी प्रतिवेदनको प्रतीक्षामा छन्, जसले आगामी मौद्रिक नीतिको दिशा तय गर्नेछ। सुनसँगै अन्य बहुमूल्य धातुहरूको मूल्यमा पनि बढोत्तरी देखिएको छ। चाँदीको मूल्य १.३ प्रतिशतले बढेर प्रतिऔंस ८४.५० डलर पुगेको छ भने प्लेटिनमको मूल्य १.६ प्रतिशतले वृद्धि भई २,१८३.४४ डलर कायम भएको छ। प्यालेडियमको मूल्य भने प्रतिऔँस १,६७४.८९ डलरमा स्थिर देखिएको छ।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
