दमक : फागुन २१ गते हुने प्रतिनिधिसभा निर्वाचनको लागि झापा क्षेत्र नम्बर ५ मा नेपाली कम्युनिस्ट पार्टीका उम्मेदवार रञ्जित तामाङले सहिद तथा बेपत्ता परिवारको आशीर्वाद लिएर उम्मेदवारी दर्ता गर्दैछन्।
झापाको कमल गाउँपालिकाका बासिन्दा तामाङले उम्मेदवारी दर्ता अघि माओवादी जनयुद्धको क्रममा सहिद भएका कमलकै बासिन्दा रमेश सुवेदीका बुवाआमा र बेपत्ता योद्धा तारा रिजालकी आमाको आशीर्वाद लिएका छन् । सुवेदीको कमल स्थिति घर र रिजालको गौराद स्थित घरमै पुगेर उनले आशीर्वाद लिएका थिए।
त्यस क्रममा सहिद तथा बेपत्ता योद्धाका परिवारले आफ्ना सन्तानको सपना पूरा गर्न अगाडि बढ्नु भन्ने शुभकामना दिएर टिका लगाइदिएका थिए। तामाङले सहिद तथा बेपत्ता परिवारको आशीर्वाद लिएपछि शहिद गेटमा पुगेर श्रद्धाञ्जली अर्पण गर्दै उम्मेदवारी दर्ताको लागि गएका छन्। झापा ५ मा नेकपा एमालेका अध्यक्ष केपी शर्मा ओली र राष्ट्रिय स्वतन्त्र पार्टीका वरिष्ठ नेता बालेन्द्र शाहसँग तामाङले प्रतिस्पर्धा गर्दैछन्।
.jpeg)
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
