ढल्केबर : धनुषाको वीरेन्द्र बजारमा यात्रुवाहक बस र अटो ठोक्किँदा चार जनाको मृत्यु भएको छ भने दुई जना गम्भीर घाइते भएका छन्।
विराटनगरबाट धनगढीतर्फ जाँदै गरेको सु.प्र.०१–००१ ख ३२८८ नम्बरको बसले विपरीत दिशाबाट आउँदै गरेको प्र.२–०१–००१ ह १२३० नम्बरको अटोलाई शनिबार साँझ करिब ७ बजेतिर ठक्कर दिएको हो।
मृतकमध्ये धनबहादुर पूर्वछाने मगर (४०), उनकी श्रीमती निशा मगर (३५), शम्भु पूर्वछाने मगर (३५) र डम्बर राई (४०) रहेका छन्। घाइतेहरूमा धनबहादुरकी १४ वर्षीया छोरी सितल मगर र रमेश मगरका ९ वर्षीय छोरा रोशन मगर छन्।
घाइतेलाई जनकपुर अस्पताल पु-याइएको र बस चालक प्रहरी नियन्त्रणमा रहेको इलाका प्रहरी कार्यालय ढल्केबरका निरीक्षक लक्ष्मण केसीले जानकारी दिनुभयो।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
