कैलाली : धनगढी उपमहानगरपालिका–३ चटकपुरकी ११ वर्षीया सुमित्रा राना मृत फेला परेकी छन् । बिहीबार साँझदेखि बेपत्ता रहेकी उनलाई शुक्रबार साँझ मोहना नदीमा मृत अवस्थामा भेटिएको जिल्ला प्रहरी कार्यालय कैलालीले जनाएको छ ।
प्रहरी नायब उपरीक्षक (डिएसपी) राजकुमार सिंहका अनुसार रानाको शव नदीमा डुबेको अवस्थामा फेला परेको हो । घटनास्थलभन्दा करिब दुई सय मिटर टाढा उनको कपडा समेत भेटिएको प्रहरीले जनाएको छ । शव निर्वस्त्र अवस्थामा फेला परेको बताइएको छ ।
हाल शव परीक्षणका लागि सेती प्रादेशिक अस्पतालमा राखिएको छ । पीडित परिवारले घटनाको अनुसन्धान माग गर्दै जिल्ला प्रहरी कार्यालयमा जाहेरी दिएको छ ।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
