काठमाडौं : टिकटकमार्फत चर्चित बनेकी मोडल आँचल नाथको निधन भएको छ। केही दिनअघि काठमाडौंस्थित आफ्नै कोठामा पेट्रोल छर्की आगो लगाइएको आरोपसँगै उनी गम्भीर रूपमा घाइते भएकी थिइन्।
करिब ८० प्रतिशत शरीर जलेकी नाथलाई तत्काल अस्पताल भर्ना गरिएको थियो। उपचारकै क्रममा आज उनको मृत्यु भएको पारिवारिक स्रोतले जनाएको छ। उनका बुबाले जानकारी दिँदै “घटना अत्यन्तै दर्दनाक छ” भनेका छन्।
घटनाबारे शंका व्यक्त गर्दै उनका भाई दीपेन्द्रले सामाजिक सञ्जालमार्फत चरित्र हत्या गर्ने तीन युवकमाथि आरोप लगाएका छन्। उनले भने, “आँचललाई टिकटकपछि धम्की दिने, फोन गरेर ‘मार्छु’ भन्नेहरूमाथि अनुसन्धान हुनु जरुरी छ। यो आत्मदाह हो वा कसैले आगो लगाएको हो भन्नेबारे छिटो छानबिन गर्नुपर्छ।”
आँचल नाथ केही समयअघि गायक पुष्कल शर्माको स्टेज कार्यक्रममा रोएरै नाचेको भिडियो भाइरल भएपछि झन् चर्चामा आएकी थिइन्। धेरैले उनलाई ‘भविष्यकी कलाकार’ भनेर प्रशंसा गरेका थिए।
उनको निधनसँगै कलाकारिता र सामाजिक सञ्जाल दुनियाँमा शोक छाएको छ।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
