रौतहट : बारा प्रहरीले लागुऔषध ब्राउन सुगरसहित मंगलबार एक महिलालाई पक्राउ गरेको छ।जिल्ला प्रहरी कार्यालय बाराका अनुसार फेटा गाउँपालिका वडा नम्बर १ त्रिवेणी टोल बस्ने करिब ४० वर्षीया पार्वती महतो पक्राउ परेकी हुन्।
विशेष सूचनाका आधारमा इलाका प्रहरी कार्यालय प्रसौनीबाट प्रहरी नायब निरीक्षक रामकिशुन यादवको नेतृत्वमा खटिएको टोलीले उनको घर खानतलासी गर्दा १० ग्राम १६० मिलिग्राम ब्राउन सुगरसहित महतोलाई पक्राउ गरेको हो ।
महतोले घरभित्र कपडाको झोलामा राखिएको प्लाष्टिकको सानो बट्टाभित्र लुकाइराखेको अवस्थामा लागुऔषध ब्राउनसुगर भेटिएको बारा प्रहरी प्रमुख एसपी सन्तोष कुमार तामाङले बताए । पक्राउ परेकी महिलालाई नियन्त्रणमा लिएर थप अनुसन्धान भइरहेको जिल्ला प्रहरी कार्यालय बाराले जनाएको छ।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
