हेटौंडा : मकवानपुरको भीमफेदी कारागारमा एक जना कैदीको मृत्यु भएको छ ।
आज बिहान एक्कासी बिरामी भएका चितवनका ४३ वर्षीय विष्णुप्रसाद दुलालको उपचारको क्रममा मृत्यु भएको कारागार जनाएको छ ।
मदन भण्डारी स्वास्थ्य विज्ञान प्रतिष्ठान, हेटौंडा अस्पतालका चिकित्सकले मृत घोषणा गरेको कारागार जनाएको छ ।
दुलालको मृत्युको कारण खुलिसकेको छैन । शव पोष्टमार्टमका अस्पतालमा राखिएको छ ।
५०० जनाभन्दा बढी कैदीबन्दी राखिएको कारागारको ‘क’ ब्लकमा बस्दै आएका मृतक दुलाललाई बिहान ५:४० मा श्वासप्रश्वासमा समस्या आएको थियो । तत्काल उनलाई कारागारको स्वास्थ्यकर्मीको टोलीले प्राथमिक उपचार गरेपछि सामन्य सुधार देखिएको कारागार प्रमुख सुवास पौडेलले बताउँछन् ।
मृतक दुलाल चितवन जिल्ला अदालतबाट १० माघ २०७८ मा जर्वजस्तीकरणी मुद्दामा दोषी ठहर भएर १० वर्ष कैद सजाय भोगी रहेका थिए । उनी भीमफेदी कारागारमा १३ साउन २०७९ मा आएका थिए ।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
