काठमाडौँ : वैदेशिक रोजगारीमा पठाउने भन्दै ठगेको आरोपमा प्रहरीले चार जनालाई काठमाडौँबाट पक्राउ गरेको छ ।पक्राउ पर्नेमा झापा घर भएकी ४३ वर्षीया अञ्जु कोइराला, भक्तपुर बस्दै आएका १९ वर्षीय आभास कोइराला, रामेछाप घर भएकी ३० वर्षीया चित्र कुमारी बस्नेत र दाङ घर भएका ४९ वर्षीय सुनिल बिक छन् ।
आरोपीहरूलाई उपत्यकाको विभिन्न ठाउँबाट पक्राउ गरिएको उपत्यका अपराध अनुसन्धान कार्यालयका एसपी काजी कुमार आचार्यले रातोपाटीलाई बताए । अञ्जुले माल्टा पठाउँछु भनेर ३ जनालाई ठगी गरेको भेटिएको छ ।
चित्र कुमारी बस्नेतले मौरिसस पठाउने सपना देखाएर २२ लाख रुपैयाँ ठगेको प्रहरीको अनुसन्धानबाट थाहा भएको छ । आभास कोइरालाले १३ लाख र सुनिल विकले अमेरिका पठाउँछु भनेर ५६ लाख १५ हजार रुपैयाँ ठगी गरेको अनुसन्धानबाट थाहा भएको एसपी आचार्यले जानकारी दिए ।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
