वीरगन्ज : पर्सा जिल्लामा ११ वर्षीया बालिकामाथि जबरजस्ती करणी अभियोगमा एक जना पक्राउ परेका छन् । बाख्रा चराउन गएकी ११ वर्षीया बालिकालाई १० रुपैयाँ दिएर ललाइफकाइ गरी बलात्कार गरेको आरोपमा पर्सा ठोरी गाउँपालिका-२ तीनघरे बस्ने ४६ वर्षीय अशोक साह पक्राउ परेका हुन् ।
जिल्ला प्रहरी कार्यालयका अनुसार गत साउन २१ गते आरोपित साहले ठोरीको जङ्गलमा बलात्कार गरेको जाहेरी आएको थियो, सोही आधारमा उनलाई पक्राउ गरिएको हो । साहलाई ठोरी गाउँपालिका वडा नम्बर २ कै घरबाट पक्राउ गरी अनुसन्धान थालेको प्रहरीले जनाएको छ।
पर्सा प्रहरी प्रवक्ता किशोर लम्सालका अनुसार उनलाई जिल्ला अदालत पर्साबाट तीन दिनको म्याद थप अनुमति लिई अनुसन्धान भइरहेको छ।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
