काठमाडौँ : प्रहरीले काठमाडौँ महानगरपालिका–१४ स्थित बल्खुबाट लागु औषधसहित दुई जनालाई पक्राउ गरेको छ । पक्राउ पर्नेमा कुंगा तामाङ र पदमबहादुर महतो छन् ।
आरोपीहरूले डेरामा लुकाएर राखेको अवस्थामा ३१ हजार १०१ एम्पुल लागुऔषध बरामद गरिएको लागुऔषध नियन्त्रण व्यूरोका एसएसपी कृष्ण कोइरालाले रातोपाटीलाई बताए ।
प्रहरीले उनीहरूको डेराबाट १० हजार ३६७ एम्पुल बुप्रेनोर्फिन, १० हजार ३६७ एम्पुल डाइजेपाम र सोही परिमाणमा फेनार्गन बरामद गरेको हो । आरोपीहरुबिरुद्ध लागु औषध नियन्त्रण ऐन २०३३ अन्तर्गतको कसुरमा म्याद लिएर ब्युरोले अनुसन्धान गरिरहेको छ ।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
