बुटवल : पश्चिम नवलपरासीको प्रतापपुरमा चितुवाको आक्रमण बाट ४ जना घाइते भएका छन् ।
जिल्लाको ग्रामीण भेग वडा नम्बर ६ स्थित गुठीप्रसौनीमा आफ्नै खेतमा काम गरिरहेका वर्ष ३६ का रघुवीर केवट सहित ४ जना चितुवाको आक्रमण बाट घाइते भएको प्रहरीले जनाएको छ ।
घाइते हुनेमा सोही ठाउँ निवासी वर्ष ३० का प्रेम कोइरी,वर्ष २८ का उमालाल कोइरी र सुस्ता गाउँपालिका ५ बस्ने वर्ष २७ का महमद मिया घाइते भएको प्रहरी नायव उपरीक्षक वीर दत्त पन्तले जानकारी दिए ।
केवटको ढाड खुट्टा र हातमा चोट लागेको छ भने अन्यको पनि हात र खुट्टामा चोट लागेको र सबैको अवस्था सामान्य रहेको प्रहरीले जनाएको छ । उनीहरुको स्थानीय स्वास्थ्य चौकीमा उपचार भइरहेको छ ।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
