प्रेरक– सरकारी पैसा अनावश्यक खर्च गर्नुहुँदैन

राष्ट्रपति डा. राजेन्द्र प्रसाद बिहारमा सरकारी कामले जाँदै थिए । राँची पुगेपछि उनलाई आफ्नो जुत्ता फाट्न लागेको र अब धेरै लगाउन सम्भव छैन भन्ने अनुभव भयो । उनले आफ्ना सचिवलाई एकजोर जुत्ता किनेर ल्याउन अह्राए ।

सचिवले एकदमै महँगो र नरम खालको जुत्ता किनेर ल्याइदिए ।

जुत्ता देखेर डा. राजेन्द्र प्रसादले रिसाउँदै भने, ‘म सस्तो जुत्ता लगाउँछु । तपाईंले यति महँगो जुत्ता किन ल्याउनुभयो ? कृपया यसलाई फिर्ता गरिदिनुस् ।’

सचिव जुत्ता साट्न जानै लाग्दा राष्ट्रपतिले भने, ‘अहिल्यै जानु आवश्यक छैन । दुई किलोमिटर आउन जानमा जति पेट्रोल खर्च हुन्छ, त्यसबारेमा पनि सोच्नुस् । कुनै अरु कामको लागि त्यता जाँदा साटेर ल्याउनू । सरकारी पैसालाई बिनाकारण खर्च गर्नु हुँदैन ।’
साभार : ‘विश्वका उत्कृष्ट प्रेरक प्रसङ्गहरु’ पुस्तकबाट

 

Promise Education Consultancy