मेयर कपको उपाधि एपीएफलाई

काठमाडौँ  : विभागीय टोली एपीएफले पहिलो संस्करणको ललितपुर मेयर महिला टी-२० च्याम्पियन्सको उपाधि जितेको छ ।

शनिबार भएको फाइनल खेलमा सुदूरपश्चिम प्रदेशलाई ८ विकेटले हराउँदै एपीएफले उपाधि जितेको हो । सुदूरपश्चिमले दिएको १ सय ८ रनको लक्ष्य एपीएफले १६.२ ओभरमा २ विकेट गुमाएर भेट्टायो ।

उसका लागि ज्योति पाण्डेले ३६, कप्तान सीता रानामगरले २७, इन्दु रानाले अविजित २६ र ममता चौधरीले नटआउट १५ रन बनाइन् ।

पाण्डे र रानामगरले पहिलो विकेटका लागि ६९ रनको साझेदारी गरिन् । ज्योति र सीता दुवै रनआउट भएका थिए । त्यसअघि टस जितेर पहिला ब्याटिङ गरेको सुदूरपश्चिमले निर्धारित २० ओभरमा ७ विकेट गुमाएर १ सय ६ रन बनाएको थियो । उसका लागि विन्दु रावलले उत्कृष्ट ब्याटिङ गरिन् ।

उनले ५४ बलमा चार चौकासहित अविजित ४४ रन बनाइन् । त्यस्तै, डली भट्टले १४, कविता कुँवरले १३ र रेवती धामीले १० रनको योगदान दिइन् । बाँकी ब्याट्सवुमनले भने दोहोरो अंकमा समेत रन जोड्न सकेनन् ।

बलिङमा विनु बुढा, सीता रानामगर, सुष्मा श्रेष्ठ, करुणा भण्डारी र रेखा रावलले एक–एक विकेट लिए । प्रतियोगिताको विजेताले टोली एपीएफले ३ लाख नगद पुरस्कार पाएको छ । उपविजेता सुदूरपश्चिमले भने एक लाख ५० हजारमा चित्त बुझाएको छ ।

Promise Education Consultancy