शिवरात्री अवसरमा पृथ्वी खनालले ल्याए ‘शिव ताण्डव’ (भिडियोसहित)

काठमाडौं : गायक तथा सशस्त्र प्रहरी निरीक्षक (इन्स्पेक्टर) पृथ्वी खनालले ‘शिव ताण्डव स्तोत्र’को म्युजिक भिडियो युट्युव रिलिज गरेका छन् ।

द भ्वाइस अफ नेपाल सिजन– २ बाट सांगीतिक आकाशमा उदाएका गायक खनालले फरक शैलीमा शिव ताण्डव म्युजिक भिडियो इन्टरनेट रिलिज गरेका हुन् । हिन्दु धर्मका भगवान शिवजीको ताण्डव नृत्य शैलीको कोरियोग्राफीमा स्तोत्र प्रस्तुत गरिएको छ ।

मौलिक बाजागाजा प्रयोग गरिएको संगीतमा गायक खनालको स्वर र देवेश राइको कम्पोज समावेश छ । भिडियोमा पृथ्वी र स्वजन रघुबंशीलाई मुख्य भुमिकामा देख्न सकिन्छ ।

पृथ्वीले भगवान शिवका पूजारीको भूमिका चित्रण गरेका छन् । ज्योति प्रोडक्सनले उत्पादन गरेको भिडियो ग्रीश्मा भट्टको निर्माण, पीटर गुरुङको छायाँकन, बिष्णुहरि तिमल्सिनाको सम्पादन र खनालको कथा एवं निर्देशनमा बनाइएको छ ।

Promise Education Consultancy