गलामा हिराको हार, मंहगा कपडा र चस्मा लगाउने बेलायती कुकुर

आजको समयमा हरेक मानिस आरामदायी जीवनयापन गर्न चाहन्छन् । यहि सपना पुरा गर्न मानिसहरु कडा मेहनत गर्दछन् । तर कतिपय अवस्थामा आरामदायी जीवन जिउने सपना पुरा नहुँदा मानिसहरु जिवनभर मेहनत गरिरहन्छन् । तर विश्वमा भने यस्तो एक कुकुर छ जसले सुखसयलमा बाचिरहेका मानिसभन्दा पनि कैयौं गुणा राजसी जीवन बिताइरहेको छ ।

बेलायतको वेल्समा एउटा यस्तो कुकुर छ जसले विश्वका कैयौं धनी मानिसभन्दा शानदार जीवन बिताउदै आएको छ । पत्यार नलाग्ला तर यस कुकुरका साथमा आफ्नै ब्याट्रीबाट चल्ने कार छ जसमा उ नियमित घुम्दछ । यतिमात्र होइन उसको गलामा बहुमुल्य हीराको पट्टा समेत छ ।

यसरी शानदार जीवन बिताउने कुकुरको नाम फैबियो हो । जसलाई बेलायकी एलिसा थोर्नेले पालेकी छिन् । एलिसा यसलाई सुखसयलका साथ राख्दै आफ्नै सन्तान सरह पाल्दै आएकी छन् ।

एलिसाले यस कुकुर किन्न नेपाली करीब ४ लाख रुपैया बराबर खर्च गरेकि छिन् । साथै अहिलेसम्म त्यस कुकुरको पालन पोषण्मा मात्र २० लाखभन्दा बढि खर्च भइसकेको छ ।

गत क्रिसमसमा एलिसाले फैबियोलाई ११ लाखभन्दा बढिको उपहार दिएकी थिइन् । उक्त कुकुरले प्रयोग गर्ने, चस्मा, कपडा लगायतका सामाग्री हजारौंको रहने गरेको छ । एलिसाका अनुसार फैबियोको खानामा मात्र मासिक १० हजारभन्दा बढि खर्च हुने गरेको छ ।

Promise Education Consultancy