काठमाडौँ : नेकपा क्रान्तिकारी माओवादीले सबैभन्दा सुरक्षित मानिने हवाई यात्रा नेपालमा असुरक्षित हुँदै गएको कुरा बारम्बारका हवाई दुर्घटनाले पुष्टि गरेको बताएको छ । अत्यधिक मुनाफाका लागि कम मूल्य पर्ने पुराना जहाजहरूको खरिद, भ्रष्टाचार र सरकारको लापरबाही नै यसका पछाडिका प्रमुख कारण भएको आरोप लगाउदै दुर्घटनाको उच्चस्तरीय छानबिन गरी त्यसको सत्यतथ्य बाहिर ल्याउन र दोषीमाथि शख्त कार्वाही गर्न पार्टीले सरकारसँग माग गरेको हो ।
पार्टीले यस दुर्घटनामा ज्यान गुमाउने सम्पूर्ण मृतकहरूप्रति श्रद्धाञ्जली अर्पण गर्दै तिनका परिवार तथा आफन्तजनमा गहिरो समवेदना व्यक्त गरेको छ । बाँकीको शीघ्र खोजी गर्न प्रवक्ता प्रतीकद्वारा जारी विज्ञप्तिमा सरकारसँग विशेष माग गरिएको छ ।