युएई मा कोरोनाको कारण ज्यान गुमाउने नेपाली ३२ जना

युएई : संयुक्त अरब एमिरेट्स (युएई) मा कोरोनाको कारण ३२ जना नेपालीको ज्यान गएको छ।

कोरोनाको कारण ३२ जना नेपालीको ज्यान गएको युएई स्थित नेपाली दूतावासले जनाएको हो। कोरोनाका कारण मृत्यु हुने मध्ये १ महिला र बाँकी पुरुष रहेका छन् ।

कोरोनाको कारण मृत्यु भएका ३२ जना सहित ६१ जनाको शव यूएईमै अन्त्येष्टि गरिएको नेपाली दूतावास आबुधावीले जनाएको छ। शवको अन्त्येष्टि गर्न दूतावासले ‘नो अब्जेक्सन’ जारी गरेको थियो।बाँकी ४० जनामध्ये १६ जनाको शव चार्टर उडान मार्फत नेपाल पठाइएको छ ।१६ जनाको शव नेपाल फर्काउने तयारीमा रहेको छ,भने ८ जनाको शव अनुसन्धानका लागि विभिन्न अस्पतालको शवगृहमा राखिएको दूतावासले जनाएको छ।

उडान नहुँदा युएईमा ज्यान गुमाउनेको शव नेपाल पठाउन सकिएको थिएन। शव नेपाल पठाउन नसकेपछि स्थानीय प्रशासनले पटक पटक कुटनैतिक माध्यममार्फत शव व्यवस्थापनमा सहयोग गर्न दूतावासलाई अनुरोध गरेको थियो।