नागढुंगा-सिस्ने खोला सुरुङ मार्गको काम पुन: शुरु

शिव सिलवाल, धादिङ : लक डाउनका कारण रोकिएको निर्माणधिन नागढुङ्गा–सिस्नेखोला सुरुङ्ग मार्गको निर्माण कार्य पुनः सुरु भएको छ । सुरुङ्ग मार्ग निर्माणका लागि सिस्ने खोलाको खाल्टो पुर्ने काम सकिएको छ । अहिले धादिङतर्फको सिस्ने खोलामा सुरुङ्गमार्ग निर्माणका लागि खोलाको पानी ब्यवस्थित गर्न ड्रेन निर्माणको काम तीब्र रुपमा भरहेको छ ।

ड्रेन निर्माण गरी पानी ब्यवस्थित गर्ने काम अब अर्को महिनासम्ममा सम्पन्न हुने निर्माण कम्पनी हजमाले जानकारी दिएको छ । राजधानी प्रवेशका लागि नौविसे–नागढुङ्गा सडक खण्डको सवारी जामको अन्त्य गर्न यो सुरुङ्ग मार्ग निर्माण कार्य अघि बढाइएको हो ।

सुरुङ्ग मार्ग ४२ महिनामा सम्पन्न गर्ने भनिएको भएपनि विश्वव्यापी महामारीको रुपमा फैलिएको कोरोनाको संक्रमणका कारण केहि ढिलाई हुने निर्माण कम्पनीले जनाएको छ ।

गौरवको आयोजनाहरु मध्य एक मानिएको नागढुङ्ग-सिस्ने खोला सुरुङ्ग मार्ग २.६८ किलोमिटर लम्वाइको हुनेछ ।

जापनीज कम्पनी हजमा एण्ड कर्पोरेसनले २२ अर्बको लागतमा यो सुरुङ्ग निर्माणको जिम्मा पाएको हो ।।