डिआईजी वसन्त लामाको एक्सन : अनुशासन विपरीत काम गर्ने ४ प्रहरी निलम्बन

चितवन : वागमती प्रदेश प्रहरी कार्यालयमा आएका डिआईजी वसन्त लामाले आफ्नो प्रदेशमा प्रहरी शुद्धिकरण अभियानलाई तीव्र पारेका छन् । प्रहरी शुद्ध भएन् भने जनताले राम्रो सेवा पाउदैन् भन्दै उनल प्रहरी शुद्धिकरण अभियानमा प्रहरी आचरण र अनुशासन विपरीत कामलाई निगरानी गर्ने काम यतिवेला मुख्य प्रथामिकतामा राखेका छन् । हामीले प्रहरीलाई मजबुत बनाएनौँ भने, जनताले राम्रो सेवा पाउदैन्, यस कारण शुद्धिकरण अभियान तीव्र छ ।

सोही क्रममा डिआईजी लामाले प्रहरी आचरण र अनुशासन विपरीत काम गरेको अभियोगमा वाग्मती प्रदेश प्रहरी कार्यालय हेटौँडाले एक प्रहरी हवल्दारसहित तीन प्रहरीलाई निलम्बन गरेको छन् । सो कार्यालयका अनुसार सेवाग्राहीसँग घुस लिदैगर्दा रङ्गेहात पक्राउ परेपछि चार प्रहरी निलम्बनमा परेका हुन् । यसअघि रु १२ हजार घुस सेवाग्राहीसँग लिएको आरोपमा प्रहरी निरीक्षक रामवालक राय यादवलाई कारवाही गरिएको थियो ।

निलम्बनमा पर्नेमा जिल्ला प्रहरी कार्यालय रामनगरमा कार्यरत प्रहरी हवल्दार प्रकाश जैशी, प्रदेश ट्राफिक प्रहरी कार्यालय रामनगरमा कार्यरत प्रहरी जवान योगेन्द्र मल्ल, इलाका प्रहरी कार्यालय मनहरिमा कार्यरत प्रहरी जवान अजय महतो र ट्राफिक प्रहरी कार्यालय मकवानपुरका प्रहरी जवान लक्ष्मणकुमार महतो रहेको छन् ।

प्रहरीको विशेष टोलीले उनीहरुलाई सवारी चालकसँग घुस लिइरहेको अवस्थामा नियन्त्रणमा लिएर अनुसन्धान प्रक्रिया अगाडि बढाएको हो । प्रदेश प्रहरी कार्यालयका प्रहरी नायक उपरीक्षक विज्ञान कस्नेतको संयोजोकत्वमा तीन सदस्यीय छानविन समितिसमेत गठन गरेको प्रदेश प्रहरी कार्यालयले जनाएको छ । प्रहरीको कामलाई पारदर्र्शी र अनुशासित बनाउन विशेष अभियान शुरु गरेको लामाले स्पष्ट पारे ।
–––