सिरानी मिलाएर लगाएमा पनि निद्रा मज्जाले लाग्छ

एजेन्सी : निद्रा कुनै पनि प्राणीको थकान दूर गर्ने एक मात्र भरपर्दाे विकल्प हो । शरीरलाई विश्रामको आवश्यकता भएअनुसार दिन भरको भागदौडबाट शरीरमा आराम पुर्‍याउँछ । तसर्थ हरेक मानिसलाई आराम गर्न सुत्न आवश्यक छ । तर सुत्न उपयुक्त दिशामा सिरानी हुन पर्छ । यदि मानिस सही दिशामा सिरानी लगाएर सुतेन भने वायुमण्डलमा भएका ऊर्जा नकारात्मक किरण शरीरमा प्रवेश हुनसक्छ । तसर्थ गलत दिशामा सिरानी हुँदा जीवनमा नकारत्मक प्रभाव पर्ने हुन्छ ।

नकारात्मक ऊर्जा कम गर्न वास्तुको विशेष महत्व हुने भएकाले वास्तुशास्त्रअनुसार सिरानीको दिशा बनाउनु पर्दछ । सुत्न सबैभन्दा उत्तम दिशा पूर्व हो । पश्चिम र दक्षिण दिशा पनि राम्रो मानिन्छ । तर पूर्वको तुलनामा यो कम उत्तम हुन्छ । हुन त उत्तर पूर्व पनि सुत्न सकिन्छ तर उत्तर दिशामा भने सिरानी पार्नु हुदैन ।

घरमूलीको शयन कक्ष घरको दक्षिण वा पश्चिम दिशामा हुनुपर्छ । यस्तोमा सुतेको मानिसलाई पूर्णशान्ति पूर्वक गहिरो निद्रा लाग्दछ। यसका साथै बुद्धिको राम्रो विकास हुन्छ र साथै घरमा पनि सुखसमृद्धि एवं सम्पन्नता हुने गर्दछ । यदि दक्षिण दिशामा सिरानी राख्न सम्भव नभए पश्चिमतर्फ पनि राख्न सकिन्छ। तर अन्य दिशामा पलङ वा सिरानी भए बुद्धि सञ्चालन ठीकसँग नहुने मान्यता छ ।