देशभर सामान्य बदली, केही स्थानमा हल्कादेखि मध्यम वर्षा

काठमाडौं । हाल देशभर मनसुनी वायुको प्रभाव कायमै छ । यसकासाथै मनसूनी न्युन चापीय रेखा पश्चिमी भू–भागमा नेपालबाट दक्षिण तर्फ सरेको छ भने पूर्वी भू–भागमा केही दक्षिण तर्फ सरेको छ।

देशभर सामान्य बदली रही प्रदेश ५ र गण्डकी प्रदेशका केही स्थानहरुमा हल्का वर्षा भईरहेको जल तथा मौसम विज्ञान विभागले जनाएको छ।

देशको पश्चिमी पहाडी क्षेत्र र पूर्वी तराइका जिल्लाका केही स्थानमा आंशिकदेखि मध्यम वर्षा हुनसक्ने सम्भावना रहेकाले त्यस क्षेत्रका खोला तथा साना नदीहरुमा आकस्मिक बहाव उत्पन्न हुनसक्ने विभागले जनाएको छ ।

आज दिउँसो देशभर सामान्य बदली रही केहि स्थानहरुमा हल्कादेखि मध्यम वर्षाको सम्भावना रहेको छ।

प्रदेश १, प्रदेश २, बागमती प्रदेश, प्रदेश ५ र गण्डकी प्रदेशका एक, दुई स्थानमा भारी वर्षाको समेत सम्भावना रहेको विभागले जनाएको छ।

आज राती देशभर सामान्यदेखि पूर्ण बदली रही केही स्थानहरुमा हल्कादेखि मध्यम वर्षाको सम्भावना रहेको छ ।

प्रदेश १, प्रदेश २, बागमती प्रदेश, गण्डकी प्रदेशका केही स्थानहरुमा भारी वर्षाको समेत सम्भावना रहेको जल तथा मौसम विज्ञान विभागले जनाएको छ।