भारत र पाकिस्तानको सीमा क्षेत्रमा भएको गोलाबारीमा गार्खा सैनिकको ज्यान गयो

काठमाडौं :  भारतको सीमा रक्षा गर्ने क्रममा फेरि एक जना नेपाली गोर्खा सैनिकले ज्यान गुमाएका छन् ।

शुक्रबार बिहानै जम्मू–कश्मीरको लाइन अफ् कन्ट्रोल ९एलओसी० क्षेत्र नजिक भएको गोलीबारीमा गोरखाको आरुघाट गाउँपालका मान्वुका ३६ बर्षिय सम्बर गुरुङको ज्यान गएको हो ।

शुक्रवार बिहान करिब एक बजेतिर पाकिस्तानी तर्फबाट भएको गोलाबारीमा परेर जम्मू–कश्मीरको रजौरी जिल्लाको नोसेरा क्षेत्रमा खटिएका हबलदार गुरुङको ज्यान भएको भारतीय सेनाले जनाएको छ ।

गोलाबारीमा घाइते गुरुङको उपचारका क्रममा क्रममा मृत्यु भएको हो । भारतीय सेनाका जम्मू कमाण्डका प्रवक्ता लेफ्टिनेन्ट कर्णेल देवेन्दरले घटना शुक्रबार सबेरै भएको र उपचारका क्रममा गुरुङको मृत्युको पुष्टि गरे । प्रवक्ता आनन्दका अनुसार गुरुङ नेपालको गुल्मी जिल्ला निवासी हुन् ।

एक महिनाभित्रै भारतीय सीमा सुरक्षाका लागि नेपालीले ज्यान गुमाएको यो दोस्रो घटना हो । यसअघि ८ असारमा जम्मू–कश्मीरको रजौरी जिल्लाको नोसेरा क्षेत्रमै खटिएका गुल्मी जिल्ला घर भएका हवलदार दीपक कार्कीको मृत्यु भएको भएको थियो ।