सरकारलाई २ बालबालिकाले सलह बिक्रि गरे

रुपन्देही । बुटवल लक्ष्मीनगरका अच्युत न्यौपानेले ५ किलो र सविना थारुले साढे ३ किलो सलह सरकारलाई विक्रि गरेका छन् । गत शनिबार सलह नेपाल प्रवेश गरेपछि प्रदेश ५ सरकारले गरेको निर्णय अनुसार उनीहरु आइतबार सलह बोकेर बुटवल उपहानगरपालिका वडा नम्बर ४ को कार्यालयमा पुगेका हुन ।

प्रदेश ५ सरकारले सलह प्रति किलो २० रुपैयाँका दरले किन्ने निर्णय गरेको थियो । पानी परेपछि भुइँभरि भएको सलह जम्मा गरेर ल्याएका अच्युत र सविनाको सलह किनिदिनु भनेर सिफारिस बनाएर उपमहानगरपालिकाको कार्यालयमा पठाएको बुटवल–४ का वडाध्यक्ष टंकप्रसाद पराजुली जानकारी दिए ।

वडाको सिफारिसअनुसार न्यौपानेलाई १०० रुपैयाँ र थारुलाई ७० रुपैयाँ दिएको उपमहानगरका वरिष्ठ अधिकृत तथा आर्थिक विकास महाशाखा प्रमुख भुवाप्रसाद लुइँटेलले जानकारी दिए ।