राष्ट्रपतिको भ्रमणमा ‘प्रोटोकल’ उल्लंघन

काठमाण्डौं, १३ बैशाख । विशिष्ट व्यत्तिको विदेश भ्रमणका बेला परराष्ट्र मन्त्रालयले आवश्यक प्रोटोकल निर्धारण गर्ने प्रचलन छ । शिष्टाचार महापालका रुपमा परराष्ट्र मन्त्रालयअन्तर्गतकै निकायले विशिष्ट व्यक्तिको भ्रमणका बेला के गर्न हुने वा नहुने भन्ने विषय निर्धारण गर्ने प्रचलन रहँदै आएको छ । तर राष्ट्रपति विद्यादेवी भण्डारीको चीन भ्रमणमा परराष्ट्र मन्त्रालयले नै प्रोटोकल उल्लंघन गरेको भेटिएको छ । राष्ट्रपति भण्डारीको चीन भ्रमणका क्रममा भएको कुटनीतिक भेटघाटका क्रममा परराष्ट्रमन्त्री प्रदीप ज्ञवालीले नै स्पोर्टस् जुता लगाएका छन् । कुटनीतिक मर्यादाको ख्याल परराष्ट्रमन्त्री आफैले नगरेको देखिएको हो । त्यस्तै राष्ट्रपति भण्डारी चीनको विमानस्थलमा अवतरण गरेपछि भण्डारीभन्दा अगािड अर्का एकजना नेपाली ओर्लिएको समेत देखिएको छ । कुटनीतिक मर्यादाअनुसार विशिष्ट व्यक्तिको भ्रमणका बेला अगाडि अरु व्यक्तिहरु हिड्न नहुने मान्यता रहेको छ । तर राष्ट्रपति भण्डारीभन्दा अघि अघि एकजना नेपाली ओर्लिएका हुन् । परराष्ट्र मन्त्रालयले नेपालमै हुने औपचारिक कार्यक्रमका लागि ड्रेसकोड निर्धारण गर्ने गरेको छ । राष्ट्रपति कार्यालयमा हुने कुनै(कुनै कार्यक्रममा ड्रेसकोड नमिलेको भन्दै सहभागीलाई फिर्ता गराउने समेत गरिन्छ । तर राष्ट्रपति भण्डारीको चीन भ्रमणको समयमा परराष्ट्रमन्त्री ज्ञवालीले नै कुटनीतिक मर्यादाको ख्याल नगर्दा सर्वत्र आलोचना भइरहेको छ ।