स्कुल बस दुर्घटना, २२ विद्यार्थी घाइते

लमही, ८ असोज । दाङमा स्कुल बस दुर्घटना हुँदा २२ विद्यार्थी घाइते भएका छन् । लमही–तुलसीपुर सडक खण्डअन्तर्गत तुलसीपुर–६ को मोतिपुरमा स्कुल बस दुर्घटना हुँदा २२ जना बिद्यार्थी घाइते भएका हुन् ।

घाइतेमध्ये सवारी चालकको अवस्था गम्भीर रहेको इलाका प्रहरी कार्यालय तुलसीपुरका प्रहरी नायब उपरीक्षक प्रकाश सापकोटाले बताउनुभयो । गाडी चालकको थप उपचारका लागि कोहोलपुर पठाइएको प्रहरीले बताएको छ ।

गाडीले उछिन्न खोज्दा रा१त १९९ नम्बरको स्कुल बस आज साँझ पौने पाँच बजेतिर दुर्घटना भएको हो । विद्यार्थी बोकेर घरतिर जानेक्रममा बस दुर्घटनामा परेको प्रहरी नायब उपरीक्षक सापकोटाले बताउनुभयो ।  (रासस)