पार्टी एकताका लागि संगठनात्मक तथा राजनीतिक कार्यदल गठन

काठमाडौं २५ पुस । नेकपा एमाले र माओवादी केन्द्रबीचको पार्टी एकताका लागि दुई वटा अलग अलग कार्यदल गठन गर्ने सहमति भएको छ । ओली निवास बालकोटमा जारी पार्टी एकता संयोजन समितिको बैठकले छिटै पार्टी एकतालाई निश्कर्षमा पुर्याउन एकीकृत दस्तावेज तयार गर्ने र संगठनात्मक समायोजनका लागि अगल अलग कार्यदल गठन गर्ने सहमति भएको स्रोतले बतायो । सगठनात्मक समायोजनका लागि एमालेबाट महासचिव इश्वर पोखरेल र माओवादीबाट रामबहादुर थापा बादल सहितको कार्यदल बन्नेछ । त्यसैगरी दस्तावेज तयारीका लागि ओली र प्रचण्डसहितको कार्यदल बनाउने तयारी भएको बैठकमा सहभागी एक नेताले बताए ।
यस अघि दुई अध्यक्षबीचको छलफलले नेकपा एमाले र नेकपा माओवादी केन्द्रको शिर्ष तहको पद बाँडफाँडमा सैद्धान्तिक सहमति भएको छ ।

पार्टी एकता हुंदा प्रधानमन्त्री तथा पार्टी सर्बोच्च नेता केपी ओली र पार्टी अध्यक्ष पुष्पकमल दाहाल प्रचण्ड वा दुवै जना पार्टी सहअध्यक्ष भएर ओलीले सरकारको नेतृत्व र प्रचण्डले पार्टीको नेतृत्व गर्ने भन्ने विकल्पमध्ये एकमा सहमति गर्ने भद्र सहमति भएको स्रोतको दावी छ ।

Promise Education Consultancy