नवराज सिलवालले मलेसियाबाट भने म फरार छैन

काठमाडौं,१९ पुस । नेकपा एमालेबाट ललितपुर क्षेत्र नं १ का नवनिर्वाचित सांसद नवराज सिलवालले पूर्व निर्धारित कार्यक्रममका लागि मेलेसिया पुगेको भन्दै ुफरारु नभएको जानकारी दिएका छन्।

मलेसियाबाट पहिलोपोस्टसँग टेलिफोनमा कुराकानी गर्दै पूर्व डिआइजी सिलवालले भने, ुम भागेको भन्ने हल्ला मात्र हो। पूर्वनिर्धारित कार्यक्रमको लागि मलेसिया आएको हूँ।ु

सिलवाल ुएसियन इन्ष्टिच्युट अफ टेक्नोलोजीुद्वारा आयोजित ‘इष्ट एसियन इनिसियटिभ्स इन द कम्युनिटी डेभलपमेण्ट विथ स्पेसल फोकस टु वुमन’ विषयक कार्यक्रममा भाग लिन मलेसियाको राजधानी क्वालालम्पुर पुगेका जनाएका छन्।

सिलवालमाथि मंगलबार नेपाल प्रहरीले कीर्ते मुद्दामा पक्राउ पुर्जी जारी गरेको थियो। महानगरीय प्रहरी परिसर काठमाडौँमा कीर्तेको अनुसन्धान अगाडि बढेको छ। गत पुस ५ गते कीर्ते गरेको अभियोगमा जाहेरी दर्ता भएको थियो।

उनले भने, ुम धेरै पहिला नै निर्धारित भएको कार्यक्रममा भाग लिन आएको हो। सारा मुलुकलाई थाहा छ, मैले कुनै गलत काम गरेको छैन। शेरबहादुर देउवाले चुनावको हारको पीडा कम गर्न राजनीतिक प्रतिशोध साध्न म माथि प्रहारको प्रयास गरेका हुन।ु

सिलवालले बचाउको दावी गरे पनि सर्वोच्च अदालतको फैसलाको पूर्ण पाठमा नवराज सिलवालले नै ुअनुचित माध्यसमबाट कार्यसम्पादन मूल्याङ्कनको अङ्क प्राप्त गरी तोडमोड गरी आफूले बढी अङ्क प्राप्त गरेको भनी इजलासलाई भ्रम पार्ने प्रयास गरेको देखिएकोु उल्लेख छ। अदालतको फैसलाले अनुसन्धान अगाडि बढाउन भनेपछि प्रहरीले अनुसन्धान बढाएको थियो।

डिआइजी सिलवालले भने अनलाइनमा आएको समाचारको आधारमा कासमू फाइल बुझाएको भन्दै आएका छन्। प्रहरीले संञ्चार माध्यमसम्म अति गोप्य फायल कसरी आइपुग्यो भन्ने विषयमा पनि अनुसन्धान शुरु गरेको छ। उनले भने, ुपक्राउ पुर्जी कसरी र कस्ता व्यक्तिलाई थुनामा राख्दा दिइन्छ जानकारी नहुनेले जथाभावी प्रचार गरेका छन्। म जोसुकैलाई पनि लाई जवाफ दिन तयार छु। कानून राम्ररी बुझेको छु। जनताको पपुलर भोटबाट चुनिएको प्रतिनिधि हुँ। म भाग्ने मान्छे होइन। पहिलो पोष्टबाट

Promise Education Consultancy