प्रचण्डले माडी पुगेर भने कम्युनिष्ट एकतापछि विकास रेल ईन्जिनमा अघि बढ्छ

चितवन (माडी) १० मंसिर । नेकपा माओवादी केन्द्रका अध्यक्ष प्रचण्डले कम्युनिष्ट एकतापछि नेपालमा विकास रेल ईन्जिनको गतिमा अघि बढ्ने बताएका छन्। आज चितवनको माडीमा आयोजित कोण सभामा बोल्दै प्रचण्डले भने‘कम्युनिष्ट एकता चुनाव जित्नका लागि मात्रै होइन, नेपालमा राजनीतिक स्थिरता, विकास र समृद्धिलाई गति दिन हो। चुनावपछि एमाले र माओवादी केन्द्रबीच पार्टी एकता हुन्छ। नेपालमा एउटै कम्युनिष्ट केन्द्र बन्छ। त्यसपछि नेपालको विकास र समृद्धिको यात्रा रेल ईन्जिनको गतिमा अघि बढ्छ।जसले पैसाले भोट खरिद गर्छ, त्यसले जनतालाई भेडा बाख्रा ठान्छ, सामन्तहरु जनतालाई मान्छे नै ठान्दैनन् ।’

बाँदरझुलामा आयोजित कार्यक्रममा प्रचण्डले भने‘जनतालाई पैसामा किन्न खोज्नेहरुले के जनताका समस्या बुझ्छन् रु के एकदिन मासुभात खाएर तपाईं हाम्रो जीवन चल्छ ? के २/३ हजार पैसाले तपाईं हाम्रो भविष्य बन्छ रु देशमा विकास र समृद्धि हुन्छ त  ? त्यसैले आफ्नो र अर्को चिनौं। जसले जिन्दगिभर जनता ठग्यो, लुट्यो र ठेक्कापट्टालाई विकास भनेर भजाएर खायो, त्यस्ताबाट सचेत हुनुस्। २र४ पैसाको लोभमा आफ्नै खुट्टामा बञ्चरो नहान्नुस्।तपाईहरुलाई थाहा भयो होला, हाम्रा एक मात्र छोरा प्रकाशको हृदयघातले निधन भयोू माडीको खरकट्टामा प्रचण्डले भने ।”