यस्तो छ भरतपुर विकास गर्ने एमालेको योजना (भिडियोसहित)

 

चितवन, १९ वैशाख । चार वटा महानगरपालिकामध्ये भरतपुर महानगरपालिकाको मेयरमा नेकपा९एमाले०ले देवी ज्ञवालीलाई उम्मेदवार बनाएको छ । ज्ञवाली एमालेका पुराना र संघर्षशील नेतामा पर्नुहुन्छ । उहाँ २०५४ मा एमालेको तर्फबाट तत्कालीन भरतपुर नगरपालिकाको उपमेयर निर्वाचित भएर नगरको विकासमा उल्लेख्य भूमिका पूरा गरेका जनप्रतिनिधि हुनुहुन्छ ।

उहाँ बाल्यकालदेखि नै कम्युनिष्ट आन्दोलनमा आवद्ध हुनुभएको हो । २०३० मा पुष्पलाल समूहको बालसाँस्कृतिक समूहको सदस्यका रुपमा राजनीतिक यात्रा सुरु गर्नुभएका ज्ञवाली पर्वतबाट चितवन बसाई सरेपछि २०३४ को अन्तमा कोअर्डिनेशन केन्द्रसँग सम्बन्धित रहेर विद्यार्थी फाँटको जिम्मा लिनुभएको थियो । २०३५ रेडगार्डको सदस्य, २०३६ मा युथलिग, ०३७ मा तत्कालीन माले निकट अनेरास्ववियु चितवनको अध्यक्ष हुनुभएको थियो । ०३८ मा पार्टीको निर्णयअनुसार तत्कालीन मालेको पूर्णकालीन भएर राजनीतिमा होमिनुभएको थियो । २०३९ मा चितवन जिल्ला संगठन कमिटीको सदस्य, ०४२ मा मकवानपुर जिल्ला सदस्य, ०४६ भदौमा सिराहामा भएको मालृेको चौथो महाधिवेशनमा प्रतिनिधि हुनुहुन्थ्यो ।

२०४६ को कात्तिकपछि बाराको जिल्ला सचिव हुँदै तत्कालीन नेकपा मालेका महासचिव मदन भण्डारीले उद्घाटन गर्नुभएको चितवन अधिवेशनबाट जिल्ला कमिटी सचिव चयन हुनुभयो ।

माले–माक्र्सवादी एकीकरणपछिको पनि उहाँ पार्टी सचिव हुुुनुहुन्थ्यो । २०४९ मा भएको एमालेको पाँचौं महाधिवेशनमा जनताको बहुदलीय जनवादको पक्षमा चितवनको प्रवक्ताकै भूमिका निर्वाह गर्नुभएको थियो । २०५० देखि ०५४ सम्म एमाले नारायणी अन्चल सचिव रहनुभएकाह ज्ञवाली ०५४ मा भएको स्थानीय निर्वाचनमा भरतपुर नगरपालिकाको उपमेयरमा निर्वाचित हुनुभयो । २०५९ देखि ०६१ सम्म ज्ञवाली पुनः चितवन जिल्ला कमिटी सचिवको जिम्मेवारीमा रहनुभयो । ज्ञानेन्द्रले २०६१ माघ १९ गते लादेको निरंकुशताविरुद्ध जुलुस प्रदर्शन गर्दा पहिलो गिरफ्तारी दिनेमा ज्ञवाली हुनुहुन्थ्यो । २०६२÷०६२ मा भएको जनआन्दोलनमा पनि उहँँ धेरैपटक गिरफ्तार र जेल पर्नुभएको थियो । २०६४ मा बुटवलमा भएको एमालेको आठौं महाधिवेशनबाट केन्द्रीय सदस्य निर्वाचित हुनुभएका ज्ञवाली अहिले पार्टीको केन्द्रीय सल्लाहकार हुनुहुन्छ ।

२०५४ मा एमालेले जितेपछि भरतपुर नगरपालिकामा धेरै विकास भएको छ । भरतपुर नगरपालिकामा एमालेबाट जितेका ज्ञवाली सहितको टीमले दीर्घकालीन महत्वका परियोजनाहरु सम्पन्न गरेको थियो । भरतपुर महानगरपालिकाको विकासको जग नै एमालेबाट जितेका जनप्रतिनिधिले गरेका थिए । भरतपुर नगरपालिकामा ब्यवस्थित बसपार्कको अभाव थियो । २०५४ मा नगरपालिकामा नयाँ नेतृत्व आएपछि साझा सहकारीसँग चार बिघा जग्गा लिएर केन्द्रीय बस टर्मिनल निर्माण ग¥यो । जसलाई पनि राजावादीहरुले पारस बसपार्क समेत भने । जुन जग्गाको मूल्य अहिले प्रतिकट्ठा २ करोड पर्छ । यो बसपार्क निर्माणलाई भरतपुरको विकासमा महत्वाकांक्षी योजनाका रुपमा लिइन्छ ।
०५४ सम्म भरतपुरका जनता खानेपानी अभावले काकाकुलको अवस्थामा थिए । एमालेबाट जितेको भरतपुर नगरपालिकाको नेतृत्वले खानेपानीको विकराल समस्यालाई गम्भीरतापूर्वक लिएर एसियाली विकास बैंकको सहयोगमा खानेपानी योजना संचालन ग¥यो । डिप ट्यूबेल र ओभरहेड ट्यांकी निर्माण गरी भरतपुरको खानेपानी समाधान गर्न सफल भएको थियो ।

नारायणगढ बजारमा ढल निकासको समस्या थियो । ढल ब्यवस्थापन नभएकाले सिधै नारायणी नदीमा मिसिने गर्दथ्यो । नगरपालिकाले ढल ब्यवस्थापन गरी नारायणी नदीमा जानबाट रोक्ने काम गरेको थियो । नारायणी नदीलाई प्रदूषणबाट जोगाउने काम पनि नगरपालिकाले गरेको उल्लेखनीय कामका रुपमा लिइन्छ । नारायणगढमा सडक ब्यवस्थापनका लागि फुटपाथ बनाउने, सहरी वातावरणी सुधार आयोजना अन्तर्गत बृक्षरोपण गरी सहरको सुन्दरता बढाउने काम गरेको अहिले पनि देखिन्छ । पोखरा ९महेन्द्र० बसपार्क निर्माण, लाइन्स चोकको तरकारी बजार ब्यवस्थापनको काम पनि भएका छन् ।

०५४ मा निर्वाचित नेतृत्वले ५ बर्षको कार्यकालमा भरतपुर नगरपालिकाभित्र १ सय किमी सडक कालोपत्रे ९पीच० गरेको छ । विद्युत प्राधिकरणले गर्न नसकेका नगरपालिकासँग जोडिएका धेरै ग्रामीण क्षेत्रमा नगरपालिकाले विद्युतीकरणको काम अगाडि बढाएको थियो । नगरपालिकासँग जोडिएका गाउँमा २ सय किमी सडक ग्राभेल गराएको थियो । एमालेकै नेतृत्वमा जितेको नगरपालिकाको टीमले भरतपुरको रिङरोडको परिकल्पना गरेको थियो । रिङरोडको प्रारम्भिक आधार समेत तयार गरिएको छ । जसअ अन्तर्गत भरतपुर नगरपालिका ११, १२ र ८ मा रिङरोडको ट्«याक खोल्ने काम समेत भइसकेको छ ।

धार्मिक पर्यटनको उन्नतिका लागि देवघाटको महत्वलाई देश विदेशमा फैल्याउने काममा पनि नगरपालिकाले भूमिका खेलेको छ । नगरपालिकाकै आग्रहमा देवघाट विकास समिति गठन भएर धार्मिक पर्यटनको विकासमा महत्वपूर्ण स्थलका रुपमा विकास भएको छ ।

अबको भरतपुर महानगरपालिका कस्तो बनाउने ?

एमालेले भरतपुर महानगरपालिका प्रमुखको उम्मेदवारका रुपमा अगाडि सारेका देवी ज्ञवालीका आगामी एजेन्डा के के छन् रु एमालेले अगाडि सारेको स्मार्ट सिटीको अवधारणा लागु गर्नु नै आफ्नो प्रमुख एजेन्डा भएको ज्ञवाली बताउनुहुन्छ । सुुन्दर, शान्त, ब्यवस्थित र आकर्षक भरतपुर नै आफ्नो एजेन्डा भएको ज्ञवाली बताउनुहुन्छ । भरतपुरलाई एक नमूना लायक र बसोबासयोग्य सहर बनाउने सपना मसँग छ, कसरी बनाउने भन्ने योजना मसँग छन्, उहाँले भन्नुभयो, २९ वडा रहेको भरतपुर महानगरपालिकाका प्रत्येक वडामा एक उद्यान हुनेछ । प्रत्येक वडामा ब्यवस्थित सडक संजाल निर्माण गरिनेछ । भ्रष्टाचार जस्ता क्रियाकलाप अन्त गर्न ई म्रौदिक नीति अगाडि ल्याइनेछ । पर्यटनको विकास र प्रबद्र्धन गरी रोजगारी सृजना गरेर यहाँका जनताको जीवनस्तर सुधार गरिनेछ ।

भरतपुरलाई मेडिकल सिटीको रुपमा विकास गरिनेछ । महानगरको विकास र रोजगारी सृजना गर्न आन्तरिक र बाह्य दुवै लगानी आकर्षित गरिनेछ । पूर्वाधार विकासका सन्दर्भमा रिङरोड तथा सडक संजालको विकास गरिनेछ । विद्युतीय रेल संचालनको आधार सृजना गरिनेछ । घरबारविहीन सुकुम्बासीलाई जनता आवास कार्यक्रम अन्तर्गत आवासको ब्यवस्था गर्नेछ । ज्ञवालीले भन्नुभयो, मानवीय सीप विकासकालागि तालिमहरु संचालन गर्ने, महानगरपालिकाका पहाडी क्षेत्रलाई समर हिल स्टेसनका रुपमा विकास गर्नेछौं ।

मेयरका उम्मेदवार ज्ञवालीका अनुसार एमालेको घोषणापत्रको एक घर एक रोजगारीको अवधारणा भरतपुर महानगरपालिकाबाटै कार्यान्वयनको सुरुवात गरिनेछ । शिक्षा र स्वास्थ्यको नागरिकको आधारभूत अधिकारको सुनिश्चितता गरिनेछ । बृद्धभत्ता, एकल महिला भत्ता लगायतका सामाजिक सुरक्षा भत्तामा राज्यबाट दिएको भन्दा थप गर्नेछौं । महानगरपालिकाले आफ्नै स्रोतबाट सामाजिक सुरक्षा भत्ता थप गर्नेछ । नारायणी नदीका उचित तटबन्ध गरी तटीय सहरको रुपमा विकास गर्नेछौं ।

जल यातायात मार्फत् आन्तरिक र बाह्य पर्यटक आकर्षित गरी महानगरको विकास गर्नेछौं । नदीका दुवै किनारामा आधुनिक सहर निर्माण गर्नेछौं र वन्यजन्तु अवलोकन केन्द्रको रुपमा विकास गर्नेछौं । मेघौलीमा थारु संग्रहालय निर्माण गरिनेछ । युवालाई परिचालन गर्न शारदानगर र गुन्जनगरमा रंगशाला निर्माण गर्ने र आधुनिक सभा हल निर्माण गर्ने छौं । कृषि क्षेत्रको विकासका लागि पोल्टी उद्योगमात्र होइन, अरु क्षेत्रको विकासका योजना ल्याउनेछौं । विश्वका समृद्ध र विकसित महानगरपालिकाहरुसँग भगिनी सम्बन्ध कायम गरी पारस्परिक सहयोग आदान प्रदान गरिनेछ ।

उपप्रमुखका एमाले उम्मेदवार दिव्य शर्माको यस्तो छ सपना

स्थानीय तहको पहिलो चरणको निर्वाचनका लागि नेकपा एमालेले भरतपुर महानगरपालिकाको उपमेयरमा दिव्य शर्मालाई उम्मेदवार बनाएको छ ।

२० वर्षदेखि नेकपा एमालेमा क्रियाशील आचार्य भरतपुरबासीबीच निकै लोकप्रीय हुनुहुन्छ । २०५४ सालमा चितवनको पार्वतपुर गाउँ विकास समितिको अनेमसंघको अध्यक्षबाट राजनीति शुरु गर्नुभएकी शर्मा अनेमसंघको जिल्ला उपाध्यक्ष, पार्टीको क्षेत्रीय सदस्य हुँदै जिल्ला कमिटी सदस्य हुनुभयो । तत्कालिन नारायण नगरपालिकाको इञ्चार्ज हुँदै हाल आचार्य चितवन नेकपा एमाले जिल्ला कमिटीको सल्लाहकार हुनुहुन्छ ।
२०३० साल जेठ १४ गते भरतपुर महानगरपालिका–१४ मा जन्मिनुभएकी शर्मा सामाजिक अभियन्ताको रुपमा पनि महानगरबासीबीच परिचित हुनुहुन्छ । थुप्रै सामाजिक संघ संस्थामा रहनुभएकी शर्मा सबै खालका उमेर समूहबीच चर्चित हुनुहुन्छ ।

उपमेयरको उम्मेदवार बन्दै गर्दा उहाँले भरतपुर महानगरपालिकालाई कस्तो बनाउने भन्ने विकासको खाका पनि अघि सार्नुभएको छ । स्थानीय विकास र समृद्धिमा विशेष जोड दिनुभएकी दिव्य शर्मासँग भरतपुर महानगरपालिकाको विकास र समृद्धिको सुन्दर खाका पनि छ । भरतपुर महानगरपालिकालाई पर्यटकीय शहरको रुपमा विकास गर्ने उहाँको योजना छ । त्यस्तै, महानगरपालिका भित्रको अव्यवस्थित वसोवास, बजार र सुकुम्वासी बसोवासलाई व्यबस्थित गर्ने, बढ्दो जमिन खण्डीकरणलाई रोक्ने, महानगरपालिका भित्रको सडकलाई विस्तार गरी ४ देखि ६ लेनको बनाउने र सडकको दायाँबायाँ हरियाली बनाउने उहाँको योजना छ ।

नारायणीदेखि राप्ती तथा पूर्वमा देवनगरहँदै भरतपुरसम्मको रिङरोडको अवधारणा पनि शर्माले अघि सार्नुभएको छ । नारायणी र राप्ती कटानलाई नियन्त्रण गर्न तटबन्ध निर्माण तथा सौराहा बोद्धकमाडीसम्म केवलकार निर्माण पनि उहाँको प्राथमिकतामा छ ।

उपमेयरकी उम्मेदवार शर्माले सामुदायिक तथा निजी विद्यालयहरुको भौतिक तथा शैक्षिक गुणस्तरमा जोड दिनु भएको छ । सामुदायिक विद्यालयमा प्राविधिक शिक्षा तथा रोजगारमूलक कार्यक्रमको विस्तार, सरकारी र निजी विद्यालयमा एकै प्रकारको पाठ्यक्रम तथा पाठ्यपुस्तक लागु गर्दै सरकारी र निजी विद्यालयबीचको विभेद हटाउने पनि उहाँको योजना छ ।

पिछडिएका वर्ग, जनजाति, आदिवासी, दलित वर्गको जीवनस्तर उकास्ने योजना पनि उहाँले अघि सार्नुभएको छ । बालबालिको पोषण र स्वास्थ्य पनि उहाँको प्रथामिकता छ । खर्चको अभावमा कोही पनि उपचारबाट वञ्चित नहोस भनेर उहाँले महानगरपालिकाका प्रत्येक नागरिकको स्वास्थ्य बीमा कार्यक्रम पनि अघि सार्नुभएको छ । कम आयआर्जन भएका, बालबालिका तथा वृद्धवृद्धालाई निःशुल्क उपचारको व्यवस्था मिलाउने प्रस्ताव पनि उहाँले अघि सार्नुभएको छ ।

एकल महिला र वृद्धवृद्धाका लागि पनि उहाँले थुप्रै कार्यक्रम अघि सार्नुभएकी शर्माले युवाहरुको विदेश पलायन रोक्न स्वरोजगार तथा उद्यमशिलता कार्यक्रम पनि अघि सार्नुभएको छ । कृषिको आधुनिकीकरण गरी विक्रेता र क्रेताबीचमा मूल्य निर्धारण गरी विचौलियाको ठगी रोक्ने अभियान पनि उहाँको छ ।