लायन्स र लियोको संयुक्त बृक्षारोपण कार्यक्रम

चितवन, २९ साउन ।  लायन्स क्लब अफ् चितवन स्टार र लियो क्लब अफ् चितवन स्टारको संयुक्त आयोजनामा शनिबार बृक्षारोपण कार्यक्रम सम्पन्न भएको छ  ।

बृक्षारोपण कार्यक्रममा क्लबले  विभिन्न प्रजातिका करीब ५०० बिरुवा रोपेको छ ।  क्लबले कालिका सामुदायिक बन उपभोक्ता समुहको क्षेत्रभित्र  बृक्षारोपण गरेको कार्यक्रम संयोजक  लायन ज्ञान प्रसाद तिवारीले जानकारी दिनुभयो ।

14012173_1582180108744380_1773765378_n.png

कार्यक्रममा लायन्स क्लब र लिओ क्लब का सदस्यहरु र कालिका बनका कर्मचारीहरुको सहभागिता थियो । कार्यक्रममा बोल्दै कालिका बनका अध्यक्ष माधब गिरिले क्लबलाई धन्यवाद ज्ञापन गर्नुभएको थियो ।

कार्यक्रममा स्वागत मन्तब्य दिदै  लियो क्लब अफ चितवन स्टारका अध्यक्ष लियो गणेश पौडेलले सामुदायिक बनको संरक्षणमा जुट्नुपर्ने बताएका थिए ।

लायन्स ३२५ बि टु का एरिया चिफ पर्सन निरज श्रेष्ठको  प्रमुख आतिथ्यतामा भएको सो कार्यक्रममा लियो काउन्सिल ३२५  बि टु डिस्ट्रिक्ट टिजर लियो सुजन पाण्डे बिशिस्ट अतिथी रहेका थिए ।