भरतपुर आँखा अस्पतालले प्रदान गर्ने सेवामा सेवाग्राहीहरु सन्तुष्ट

 

चितवन, असार १७ । भरतपुर आँखा अस्पतालले चालु आर्थिक वर्ष २०७२/७३ को सार्वजनिक सुनुवाई कार्यक्रम सम्पन्न गरेको छ । शुक्रबार अस्पताल परिसरमा भएको सार्वजनिक सुनुवाईका क्रममा अस्पतालले पु¥याएको सेवाका बारेमा सबै क्षेत्रका व्यक्तिले प्रशंसा गरेका थिए ।ey Hospital

नेपाल नेत्रज्योति संघद्वारा सञ्चालनमा आएको भरतपुर आँखा अस्पतालको सेवाका बारेमा गरिएको सर्वेक्षणमा समेत सेवाग्राहीहरु सन्तुष्टि भएको पाइएको तथ्यांक सार्वजनिक गरिएको थियो । अस्पतालमा धेरै समयसम्म लाइन बस्नुपर्ने भएकाले थप काउन्टरको व्यवस्था गर्दै अस्पतालमा आउने बिरामीलाई सहज बनाउनुपर्नेमा सेवाग्राहीले जोड दिएका थिए । अस्पतालको नागरिक वडापत्रमा उल्लेख भए बमोजिम सेवा पाउने गरेकोले आफूहरु सन्तुष्ट रहेको सेवाग्राहीको भनाइ रहेको थियो ।

सेवाग्राहीहरुले अस्पताल सरसफाई भएको शुद्ध खाने पानी भएको, बच्चाहरुको छुट्टै आँखा परिक्षणको व्यवस्था गरिनु, सेवाग्राहीलाई बस्नको लागि व्यवस्था हुनु, बिरामी मैत्री अस्पताल हुनु, डाक्टर र नर्सहरुको व्यवहार राम्रो हुनु अस्पतालका सवल पक्ष भएको बताएका थिए । अस्पतालले लिने गरेको टिकट शुल्क महंगो भएकाले यसको व्यवस्थापन गर्नुपर्ने, नाताबाद र कृपाबादमा सेवा प्रदान गर्न नहुने, औषधि उपचार गर्न टोकनको व्यवस्था हुनुपर्ने सेवाग्राहीहरुले सुझाव दिएका छन् ।

भरतपुर आँखा अस्पताल व्यवस्थापन समितिका अध्यक्ष चिजकुमार श्रेष्ठको अध्यक्षतामा भएको कार्यक्रममा भ्रष्टाचार विरुद्ध अभियान चितवनका संयोजक भीमबहादुर श्रेष्ठ, कार्यक्रम अधिकृत सर्मिला पण्डित, रिता कंडेललगायतका व्यक्तिहरुले मन्तव्य राखेका थिए ।

Leave a Reply

Your email address will not be published.