चितवनसहित देशैभरमा मनसुन सक्रिय

राजेन्द्र आचार्य

चितवन, १७ असार । चितवनसहित देशैभरमा मनसुन सक्रिय भएसँगै देशभर पानी परिरहेको छ । पानी पर्ने क्रम भोलि र पर्सि पनि जारी रहने मौसमविदले पूर्वानुमान गरेका छन् ।

धान खेती गर्ने बेला परेको पानीले किसानहरुलाई राहत भए पनि भूकम्प पीडित बस्ती, पहाडी क्षेत्र र तराईका नदी९खोला किनारका बस्ती भने जोखिममा परेका छन् ।

madi ma badai 1
पश्चिम चितवनको ग्रामिण भेग माडी नगरपालिकामा गएरातीदेखि परेको भीषण वर्षाका जनजिवन प्रभावित बनेको छ । बाढीको खतरा बढेपछि त्यस क्षेत्रमा स्थानीय प्रशासनले सचेत रहन आग्रह गरेको छ ।

हरेक बर्ष वर्षाको समयमा त्रसित बन्दै आएका माडी यस बर्ष पनि पीडित बनेका हुन् । जसका कारण माडी९भरतपुर यातायत अवरुद्ध भएको माडीका सञ्चारकर्मी सूर्य पाठकले जानकारी दिए ।

माडी नगरपालिकाको चिताई खोला पुल नजिकैको केही मिटर सडक नै बाढीले भत्काएकोले सो क्षेत्रमा यातायत अवरुद्ध भएको स्थानीय सन्तोष पनेरुले बताए ।

माडीको रिउ खोलासँगै अन्य खहरे खोलाहरु मगुई, घाँगर, परुई, चिताई, बाँदरमुढे लगायायतमा पानीको सतह बढेको र रिउमा खतराको संकेतभन्दा माथी गएकाले उच्च सर्तकता अपनाउन जिल्ला विपद व्यवस्थापन समिति चितवनले अनुरोध गरेको छ । राती १ बजेदेखि परेको वर्षाले चितवनको जनजीवन अस्तब्यस्त बनाएको हो ।

Leave a Reply

Your email address will not be published.