नारायणी नगरपालिकमा बजार सरसफाई

चितवन, जेठ २३ । विश्व वातावरण दिवसको अवसर पारेर नारायणी नगरपालिकाले आयोजना गरेको सप्ताहव्यापी कार्यक्रम अन्तर्गत आइतबार चौथो दिन बजार सरसफाई गरिएको छ ।222

नारायणी नगरपालिका वडा नम्बर ३ मा पर्ने पर्साढापमा सरसफाई गरिएको हो । सरसफाईका क्रममा नगर क्षेत्रबाट चाउचाउ, बिस्कुटलगायतका प्लाष्टिकका खोलहरु, कुहिन तथा नकुहीने संकलन गरिएको थियो ।

पर्साढापमा रहेको बैंकचोकदेखि तेलौली बजारसम्मको करिब एक किलोमिटर क्षेत्रफलबाट २० बोरा भन्दा बढी फोहोर संकलन गरिएको नगरपालिकाका इन्जिनियर सन्तोष पाण्डेले बताए ।333 111

उक्त सरसफाई कार्यक्रममा नगरपालिकाका कार्यकारी अधिकृत रमेश सुवेदीले नगरपालिकालाई आगामी २०७५ सालभित्र वातावरण मैत्री बनाउन काम सुरु गरिएकाले सबै समुदायले सहयोग गर्नुपर्ने बताए ।

सरसफाई कार्यक्रममा विद्यार्थी, इको पार्क, क्लिनिक नेपाल, फ्रिप्याड, बजार व्यवस्थापन समिति, वडा नागरिक मञ्च, टोल सुधार समितिलगायतका अध्यक्षहरु र नगरबासी गरि करिब एक सय ५० जना सहभागी रहेका थिए । मेघौली खानेपानी तथा सरसफाई उपभोक्ता समितिका अध्यक्षको अध्यक्षतामा भएको कार्यक्रममा नगरपालिकाका वातावरणविद् सारदा पोखरेलले स्वागत मन्तव्य राखेकी थिइन् ।

Leave a Reply

Your email address will not be published.