गणेशलाललाई निर्माण व्यवसायीको सर्वाेच्च अवार्ड ‘गौरव सम्मान’ र सासद् पाण्डेलाई विशेष सम्मान प्रदान

चितवन, १८ चैत । नेपाल निर्माण व्यवसायि महासंघको सर्वोच्च सम्मान मानिने ‘गौरव अवार्ड’ बाट काठमाडौका पुराना निर्माण व्यवसायी गणेशलाल श्रेष्ठ सम्मानित भएका छन्।Nirman 2

चितवनको रत्ननगरमा जारी केन्द्रिय साधरणसभाका क्रममा उहाँलाई उक्त सम्मान प्रदान गरिएको हो । उनीे सहित २८ विधामा विभिन्न सम्मान वितरण गरिएको महासंघको पुरस्कार तथा सम्मान समितिका सदस्य सचिव प्रेम सिंह ऐरले जानकारी दिए ।

अवार्ड वितरण समारोहमा श्रेष्ठलाई उपप्रधान एबं भौतिक पुर्वाधार तथा यातायात मन्त्री विजयकुमार गच्छदारले दोसल्ला ओढाएर कदरपत्रले सम्मान गरेका थिए । अवार्ड वितरण गएराती ११ बजेसम्म चलेको थियो ।

सम्मानपछि संक्षिप्त प्रतिक्रिया दिंदै श्रेष्ठले यो सम्मान समग्र निर्माण व्यवसायीहरुकै भएको बताए । आफुले ५६ बर्षसम्म निर्माण सेवामा लागेकोमा गर्व लागेको समेत उनले प्रतिक्रिया दिए । बृद्ध भएकाले अहिले उहाँले निर्माण व्यवसायको काम छोरालाई जिम्मा दिईसके ।

यस्तै चतरा पुल निर्माण गरेर जोखिमपूर्ण क्षेत्रमा छिटो काम सकेको भन्दै अर्का निर्माण व्यवसायी विक्रम पाण्डेलाई पनि सोही क्रममा विशेष सम्मान गरिएको थियो ।
यस्तै ईन्जिनियर आनन्द बहादुर गुरुङलाई बेष्ट कन्सल्टेन्स अवार्ड, ईन्जिनियर भोजराज रेग्मीलाई वेष्ट कन्ट्रक्सन ईन्जिनियरिंग अवार्ड प्रदान गरिएको छ ।

यस्तै ईन्जिनियर अपिल भट्टराईलाई टप र्यङंकिंङ ईन्जिनियरिंग ग्रयाजुएट अफ द ईयरबाट सम्मान गरिएको छ । यस्तै निर्माणमा उल्लेख्य योगदान गर्नेहरु छानेर यो पटक महासंघले २७ विधामा अवार्ड र एउटा गौरव सम्मान प्रदान गरेको जनाईएको छ ।
सो क्रममा समुह ए अन्तरगत गोल्डेन अवाडबाट रमण कन्स्ट्रक्सन र नेपाल आदर्श निर्माण कम्पनी, सिल्भर अवार्डबाट कंकाई ईन्टरनेशनल विल्डर्स, तथा समुह वी बाट गोल्डेनमा रोशन कन्स्ट्रक्सन र सिल्भरमा लुम्विनी कन्स्ट्रक्सनलाई सम्मान गरिएको छ ।
यस्तै समुह सी बाट नयाँ बाटो निर्माण सेवा कास्कीलाई स्वर्ण, कार्कीबन्धु कन्स्ट्रक्सनलाई रजत र खुस्बु कन्स्ट्रक्सनलाई मोरंगलाई कास्य अवार्ड प्रदान गरिएको छ । यस्तै समुह डि बाट वाई पि आर धनकुटालाई स्वर्ण, सुन्दर निर्माण सेवालाई रजत र शिवराम कन्स्ट्रक्सनलाई कास्य अवार्डबाट सम्मान गरिएको छ ।
यस्तै उत्कृष्ट क्षेत्रीय संघमा सुदुरपश्चिमाञ्चल, उत्कृष्ट जिल्लामा हिमाली क्षेत्र अन्तरगत दार्चुला, तराईको झापा जिल्ला परेको छ । उत्कृष्ट कन्सल्टिंग कम्पनीमा ईष्ट कन्सर्न प्रालीलाई अवार्ड दिईएको छ भने ओम सकम्बरी निर्माण सेवाकी कोमल कुमारी बस्नेतलाई उत्कृष्ट महिला निर्माण व्यवसायी अवार्ड प्रदान गरिएको सम्मान समितिका सदस्य सचिव प्रेमसिंह ऐरले जानकारी दिए ।

Leave a Reply

Your email address will not be published.