एमालेको संगठन सुदृढीकरण अभियान सकियो

रत्ननगर, १३ चैत । नेकपा एमालेले चितवन क्षेत्र नं.२ मा सचालन गरेको चार महिने संगठन सुदृढीकरण तथा सुद्धिकरण अभियान सकिएको छ ।

एमाले लोकप्रिय नेता जेपि भेटवाल रत्ननगरमा भएको अभियान समापन कार्यक्रम सम्बोधन गर्दै
एमाले लोकप्रिय नेता जेपि भेटवाल रत्ननगरमा भएको अभियान समापन कार्यक्रम सम्बोधन गर्दै

अभियानका क्रममा नयाँ संविधान बारे जानकारी,संगठन विस्तार,पार्टी प्रवेश तथा नयाँ सदस्यता बृद्धि लगायतको कार्यक्रम गरेको एमालले रत्ननगरको सौराहाचोकमा शनिवार एक औपचारिक कार्यक्रम गरी पहिलो चरणको अभियानको अन्त्य गरेको हो ।

चार महिनामा एमालेले सो क्षेत्रमा पार्टी प्रवेश,सदस्यता नविकरण,शाखा कमिटी तथा भात्रृ संगठनको गठन तथा पुर्नगठन,एक नवयुग एक सदस्य कार्यक्रम गरेको क्षेत्रीय सचिव गोपी नेपालले जानकारी दिए । अभियानका क्रममा रचनात्मक कार्यक्रम अन्र्तगत सरसफाई,बृद्धबृद्धा तथा एकल महिला सम्मानको कार्यक्रम गरिएको उनले बताए ।

एमालेले अभियानका क्रममा नयाँ संविधानको वारेमा कार्यकर्तालाई सुसुचित,पार्टीको नवौैं महाधिवेशनको निर्णय र विधान नियमावलीका वारेमा कार्यकर्ताहरुलाई प्रशिक्षण दिएको सचिव नेपालले बताए । समापन कार्यक्रममा क्षेत्र नं.२ अन्र्तगतका रत्ननगर,कालीका,खैरहनी नगरपालिका र सिद्धि गाविसका प्रमुख हरुले अभियानका क्रममा भएका कामहरुको प्रतिवेदन प्रस्तुत गरेका थिए ।

एमालेका बैकल्पिक केन्द्रीय सदस्य कृष्णप्रसाद खनाल प्रमुख अतिथि रहेको सो कार्यक्रममा जिल्ला अध्यक्ष जगन्नाथ थपलिया,सचिव तेजेन्द्र बहादुर खड्का,लेखा आयोगका केन्द्रीय सदस्य जेपी भेटवाल लगायतले वोलेका थिए ।

क्षेत्रीय अध्यक्ष कृष्णकुमार डल्लाकोटीको अध्यक्षतामा भएको सो कार्यक्रममा उपाध्यक्ष रामशरण कुँवरले अधियानको उद्धेश्यका वारेमा वोलेका थिए ।