घरबार छोडेको छैन भन्दै ज्ञानेन्द्रको प्रश्न: जनताले कस्को भूमिका चाहेका छन्

चितवन, २७ पुस । राजनीतिक तनाव, भारतीय नाकाबन्दी र मधेश आन्दोलन कायम रहेको समयमा पूर्व राजा ज्ञानेन्द्रले मुख खोलेका छन् । जनताले कस्लाई के भूमिका दिन खोजेका छन् भन्ने प्रष्ट हुनु पर्ने माग गर्दै ज्ञानेन्द्रले आफूले जन चाहाना अनुसार दरवार छोडेपनि घरबार भने नछोडेको बताएर राजनीतिक तरंग पैदा गर्ने संकेत दिएका हुन् ।

२९४ औं पृथ्वीजयन्तीको पूर्व सन्ध्यामा ज्ञानेद्र साहले एक आह्वान गर्दै लेखेका छन्, ‘‘ जनताको इच्छा, चाहना र भावनाको कदर गर्ने परम्परालाई निरन्तरता दिदै राष्ट्रहित र राष्ट्रवासीको सूख, सम्मृद्धी र आत्मीय सन्तुष्टिका निम्ती जनताको नासो जनतालाई सूम्पेर मैले दरबार छाडेको हुँ । मैले नेपाली घरवार छोडेको छैन’ ।

पूर्व राजाले आफ्नो भूमिका जनताले चाहेमा राजतन्त्र फर्किन सक्ने संकेत गर्दै नेपाली जनताले कस्को भूमिका खोजेका छन् भन्ने प्रष्ट हुनु पर्ने माग गरेका छन् । उनले भनेका छन्, “अब नेपाली जनताले को कसबाट के कस्तो दायित्व, भूमिका र भरोसा चाहेका छन्, खुलस्त हुनु पर्दछ भन्ने पनि समयको माग छ” ।

यस अघि पूर्वराजा ज्ञानेन्द्र शाहरुले आफूसँग तत्कालीन आन्दोलनरत दलले गरेको सहमतिबारे जिज्ञासा राखेका थिए । गत वर्षको प्रजातन्त्र दिवसको पूर्वसन्ध्यामा पूर्वराजाले एक सन्देश दिँदै आफूसँग भएका सहमति कार्यन्वयन गर्न दलहरुलाई आग्रह गरेपछि उनलाई कारवाही गर्न समेत माग भएको थियो । आफ्नो हातमा सासन लिएर बसेका तत्कालीन राजा ज्ञानेन्द्रलाई ६२(६३ को आन्दोलनपछि बनेको अन्तरिम संविधानले शक्तिहिन तुल्याएको थियो भने संविधानसभाको पहिलो बैठकले देशलाई गणतन्त्र घोषणा गर्दै नागार्जुन पठाइदिएको थियो । त्यसपछि ज्ञानेन्द्रले पटक पटक जनताले चाहेमा राजतन्त्र फर्किने र आफू जनताको चाहाना अनुसार चल्ने अभिब्यक्ति दिँदै आएका छन् । तर आफू राजतन्त्रको अवशेष रहोस् भन्ने पक्षमा रहेको कुरा ज्ञानेन्द्रले लुकाएका छैनन् ।

उनले वर्तमान राजनीतिक अवस्थाप्रति गम्भिर अस्तुष्टि पोख्दै भनेका छन्, “आपसी सद्भाव खल्बलिएर जनसाधारणको जीवन व्यवहारमा जस प्रकार आर्थिक संकट, चरम महगीं, अभाव, अनुत्पादन र वाह्य निर्भरताबाट यतिखेर थप मार परिरहेको छ । नेपाली जनताले अहिले सांझ विहान छाक टार्न र सामान्य रुपले जीवन धान्न पनि धौधौ परिरहेको छ, त्यो गम्भिर चिन्ताको विषय हो ।”

Leave a Reply

Your email address will not be published.